Mateu 1:1 - MUKANDA USANDU WA ZAMBI 1975

¹ Mukanda wa munyachi wa Yesu Kristu, Mwana David, mwana Apalahama.

Mukanda Wa Zambi 1970

¹ Wano e majina a tushakulu twa Yesu Kristu, wa ku vungu lia David, ku munyachi wa Abrahama.

Mateu 1:1 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 2:4

Yisemuko ya mwilu ni hashi yino ha tangwa lize Yehova Zambi yalinga mwilu ni hashi.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 5:1

Uno we mukanda wa yisemuko ya Alama. Ha tangwa lize Zambi watangile mutu, yamulinga mu kulifwa chenyi.

Miaso (Masamu) 132:11

Chamwenemwene Yehova hanalishingi kuli David, kechi kutewulukako, ngwenyi, Wa kuli ana a kusema yena, mungusa ha ngunja ye.

Miaso (Masamu) 89:3

Hingunakolesa usendo ni yoze namutongwele. Hingunalilakenya ni shingo kuli kavumbi kami David.

Miaso (Masamu) 89:36

Munyachi wenyi muukalinduluka ku miaka ya mutolo. Ngunja yenyi muyikalinduluka miaka yeswe ya lie tangwa kumeso jami.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 53:8

Amushihile ni yihungumiona ni upatwilo; mba hakachi ka akwa chisemuko chenyi iya wachizewile ngwenyi, Amusutwile ku chifuchi cha akwa mwono, amulambile mumu ha Utanguko wa atu jami?

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Mateu 1:2

Apalahama wasemene Izake; Izake wasemene Yakomba; Yakomba wasemene Yunda ni ayayo ni ana-akwo;

Mateu 15:22

Kumanyi, pwo wa ku Kanana, wakatukile mu manjiza aze, wakololokele ngwenyi, Mwene, yena Mwana David, nguvwile kama keke, mwanami wa pwo kakupinda chikolo ni ndemoniu.

Mateu 3:16

Muze te hamupapachisa, Yesu watutukile mu meya, ni kumanyi, malilu azulukile kuli iye, neye wamwene Spiritu ya Zambi kanahulumuka ngwe katele, nikwiza hali iye.

Mateu 9:27

Muze Yesu apalikile kuze kulutwe, tupuputa aali amukawile, nikukololoka ngwo, Tuvwile kama keke, yena, mwana David.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

A-ROMA 1:3

Lia kutwala kuli Mwanenyi, yoze wasemukine ku munyachi wa David nikulita ni musunya,

A-ROMA 4:13

Mumu hi ku shimbi ko, chilakenyo chapwile kuli Apalahama, hanji ku munyachi wenyi, akapwe swana ya hashi, alioze ku ululi wa Ufulielo.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

Galashia 3:16

Achi, ahanjikile yilakenyo kuli Apalahama, ni ku munyachi wenyi. Kambile ngwenyi, Ku minyachi, ngwe kuli anji; alioze ngwe umuwika, ngwenyi, Kuli munyachi we, mwenawo Kristu.

1 Timoteu 2:5

Mumu kwali Zambi umuwika, ni chitakanyishi umuwika hakachi ka Zambi ni atu, iye mwe mutu Kristu Yesu,

2 Timoteu 2:8

Iwuluka Yesu Kristu amuhindwishile hakachi ka afu, wa ku munyachi wa David, nikulita ni sango liami lipema.

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.