Marku 9:9 - MUKANDA USANDU WA ZAMBI 1975

⁹ Shimbu machipalumuka ku mulundu, waahele koki ngwenyi, Kanda nukaambulwila niumwe chize nwamona shina muze mwe Mwana Mutu hahinduka mukachi ka afu.

Mukanda Wa Zambi 1970

⁹ Muze te anapalumuka ha mulundu, Yesu yaaha koki ngwenyi: “Kanda mwambulwila niumwe yize hinwamona ndoo Mwana Mutu makahinduka ku kufwa.”

Marku 9:9 Iomraidhean Croise

Mateu 12:19

Kechi kalitachika, chipwe kechi kakololoka; mba niumwe kechi kevwa liji lienyi mu matapalo.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 5:43

Iye waakanjishile chikolo ngwenyi, Niumwe kanda akachinyingika; iye wambile amwehe chimwe cha kulia.

Marku 7:36

Iye waahele koki ngwenyi, Kanda nukahanjika kuli niumwe, alioze cheswe iye aahele koki, chocho achambujolele kuhiana chikolo.

Marku 9:10

O afungile liji lino, nikulihula hakachi ko chize kuhinduka mukachi ka afu muchipwa.

Marku 9:8

Susumuku, ha kukengesa, kamwene nawa niumwe, shina Yesu wika hamwe no.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Luka 9:36

Ni muze te liji hiliapalika, awanyine Yesu ukawenyi, o aholele, kalwezele niumwe ha matangwa aze yuma yize amwene.