Marku 9:7 - MUKANDA USANDU WA ZAMBI 1975

⁷ Lelwa liejile nikwazulamina Chizulie; ni liji Watuhukile mu lelwa ngwo, Yono mwe Mwanami ngunamuzange chikolo; mwivwenu.

Mukanda Wa Zambi 1970

⁷ Lelwa yilisoloka, yiliazulamina chizulie. No yeevwa liji mu lelwa ngwo: “Yono mwe Mwanami yoze nakuzanga kuhiana, mwivwenu.”

Marku 9:7 Iomraidhean Croise

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 97:2

Malelwa ni milima yamujingilika. Ululi ni upatwilo yapwa ngwe fundamentu ya ngunja yenyi.

Kutuhuka 24:16

Uhenya wa Yehova Watwamine ha mulundu wa Sinai. Lie lelwa yiliufuka ha matangwa asambano. Ha tangwa liamuchishimbiali iye yatambika kuli Mose ni liji yilituhuka muchima lia lelwa.

Kutuhuka 40:34

Mba lelwa yilifuka ye mbalaka ya chikungulwila. Ye tabernakulu yiyizala ni uhenya wa Yehova.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mateu 27:43

Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Marku 1:11

Mba liji liatuhukile mu malilu ngwo, Mwanami yena ngunakuzange chikolo, muli yena ngunawahilila.

Marku 9:6

Mumu kanyingikine chize mamba, mumu evwile woma wunji.

Marku 9:8

Susumuku, ha kukengesa, kamwene nawa niumwe, shina Yesu wika hamwe no.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 5:18

Ha chikuma chino kashika A-Yunda afupile kuhiana kumushiha; kuchapwile mumu hatangula Sambata wika, ka, alioze wambile nawa ngwenyi, Zambi iye Tata, nikulitesa ni Zambi.

Yoano 5:37

Ni mwe Tata yoze wangutumine, iye mwene hanashindakenya hali yami. Chipwe kunwevwile liji lienyi niumwe mwaka, chipwe kunwamwene kusoloka chenyi.

Yoano 6:69

Hitunafuliela, kutunanyingika mwe Musandu wa Zambi yena.

Yoano 9:35

Yesu wevwile ngwo, Hamukatwisa; iye ha kumuwana, wambile kuli iye ngwenyi, Unafuliela kuli mwe Mwana Zambi, nyi?

Yilinga 1:9

Muze te hamba yino yuma, shimbu machitala, amupindumwine kwilu; ni lelwa liamutambwile, liamuswekele ku meso jo.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

2 Petulu 1:17

Mumu watambwile kuli Zambi mwe Tata ulemu ni uhenya, muze ahanjikile liji lino kuli iye ku uhenya wa ulamba ngwo, Yono mwe Mwanami, ngunamuzange chikolo, muli iye ngunawahilila.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.