Marku 9:50 - MUKANDA USANDU WA ZAMBI 1975

⁵⁰ Mungwa unawaha; alioze kachi mungwa unasamuka, neka mauyemesa? Pwenu ni mungwa muli yenwene, pwenu ni sambukila umwe ni mukwo ni mukwo.

Mukanda Wa Zambi 1970

⁵⁰ “Mungwa Chuma chibema. Alioze nyi mungwa hiwasamuka, neka mauyemesa? Bwenu ni mungwa muli yenwene, bwenu ni uhwimino hakachi kenu.”

Marku 9:50 Iomraidhean Croise

Jobe 6:6

Chuma chasamuka mahasa kuchilia mungwa wakuhi? Leji lia lionda te linayeme?

Miaso (Masamu) 133:1

Talenu cho kupema, cho kuwaha, muze mandumbu matwama hamuwika ni mbunge yimuwika.

Miaso (Masamu) 34:14

China yipi, ulinge yipema. Fupa sambukila ukayihange.

Ezekiel 43:24

Munukaakunjika kumeso ja Yehova, mba asasendote makaalakumwinaho mungwa ni kwalumba mulambu wa kulumba kuli Yehova.

Mateu 5:13

Yenu nuli mungwa wa hashi: alioze kachi mungwa unasamuka, neka mauyemesa nawa? Kuwatele nawa nichimwe shina kuumbila haze, akauliate kushi lia yiliato ya atu.

Marku 9:34

Alioze aholele kulungunga kwo; mumu mu jila apwile nikulihangujola hakachi ko yoze mapwa munene wahiana eswe.

Marku 9:49

Mumu kumakavunjila mweswe ni kahia, kumakavunjila yitapo yeswe ni mungwa.

A-ROMA 12:18

Kachi muchihasa kupwa, nikulita ni tachi jenu, pwenu ni sambukila kuli atu eswe.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

Kolosu 4:6

Liji lienu likapwe matangwa eswe ni vumbi, lia kulungiwa ni mungwa, hanga nukanyingike chize Chanutamba kukumbulula kuli mutu ni mutu.

1 Tesalonika 5:13

nukaalemese kuhiana chikolo mu zango, mumu ha milimo yo. Pwenu ni sambukila hakachi kenu.

2 Timoteu 2:22

Alioze China usolo wa ukweze, ukakaule ululi, ni Ufulielo, ni zango, ni sambukila, hamwe ni waze akutambika hali Mwene ni mbunge yipema.

Hebreu 12:14

Kaulenu sambukila hamwe ni atu eswe, ni usandu, uze mutu kechi kamona Mwene nyi keshi nawo.

Tiangu (Jake) 1:20

mumu utenu wa mutu kuushi kulinga ululi wa Zambi.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.