Marku 9:47 - MUKANDA USANDU WA ZAMBI 1975

⁴⁷ Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia.

Mukanda Wa Zambi 1970

⁴⁷ Nyi liso lie liakukuvulumwisa, litombongone. Shinoho ukanjile mu Wanangana wa Zambi ni liso limuwika, kuhiana chize muufunga meso je eswe aali akakumbile mu kahia.

Marku 9:47 Iomraidhean Croise

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Miaso (Masamu) 119:37

Tewulula kama meso jami, kanda atala yuma yamokomoko, unguhuzulule mu majila je.

Mateu 18:9

Nyi kachi liso lie mulikutalingisa, litombongonemo, ulimbile: Shinaho hali yena unjile mu mwono kafwa-liso, kuhiana kukumbila mu kahia ka mutolo ni meso aali.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Marku 9:43

Nyi kachi kwoko lie mulikutalingisa, liteteko: Shinaho unjile mu mwono kahundu, kuchina nikupwa ni moko aali ukaye ku Ngehena, ku kahia kaze kukeshi kuhasa kujima.

Marku 9:46

muze vuno lio keshi kufwamo, ni kahia kukeshi kujimamo.

Luka 14:26

Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Galashia 4:15

Chilihi kuwaha chenu? Mumu nakunushindakenya ngwami, Kachi nwahasa, kachi nwatombongwene meso jenu nukangweho.