Marku 9:44 - MUKANDA USANDU WA ZAMBI 1975

⁴⁴ Muze vuno lio keshi kufwamo, ni kahia kukeshi kujimamo.

Mukanda Wa Zambi 1970

⁴⁴ Muze ‘vuno lio keshi kufwa mo, ni kahia kukeshi kujima mo.’]

Marku 9:44 Iomraidhean Croise

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Izaya 66:24

Makatuhuka akatale mijimba ya afu aze angukatukilile. Mumu vuno lio kechi kafwa, ni kahia ko kukechi kajima. Kumakapwa chuma cha kuvwisa lwaji kuli atu eswe.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Marku 9:43

Nyi kachi kwoko lie mulikutalingisa, liteteko: Shinaho unjile mu mwono kahundu, kuchina nikupwa ni moko aali ukaye ku Ngehena, ku kahia kaze kukeshi kuhasa kujima.

Marku 9:45

Nyi kachi kulu lie mulikutalingisa, liteteko: Shinaho unjile mu mwono chilema, kuchina nikupwa ni molu aali akakumbile mu Ngehena, mu kahia kaze kukeshi kuhasa kujima,

Marku 9:48

Muze vuno lio keshi kufwamo, ni kahia keshi kujimamo.

2 A-TESALONIKA 1:9

Kumakaafwetesa ha milonga yo, kwenyeka cha mutolo muma mwa kuhandunuka kumeso ja Mwene, ni ku uhenya wa ngolo jenyi;

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.

Usolwelo 20:10

Ni Ndiapu yoze waapiangwile amunyashine mu Chitende cha kahia ni fundanga, muze ali nawa ngongo ni profeta wa kwonga; kumakaamwesa lamba mwalwa ni ufuku ndo ku miaka yeswe ya mutolo.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.