Marku 9:42 - MUKANDA USANDU WA ZAMBI 1975

⁴² Mweswawo matalingisa umwe wa kuli ana akepe waze akungufuliela yami, Shinaho kachi majichika liwe linene lia kutwa nalio ha kota yenyi, akamumbile mu kalunga-lwiji.

Mukanda Wa Zambi 1970

⁴² “Yoze mavulumwisa umwe wa kuli twanuke wano akepe waze akungufuliela, chinalite amukase liwe linene ha kota ni kumumbila mu kalunga lwiji.

Marku 9:42 Iomraidhean Croise

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:6

Alioze mweswawo matalingisa umwe wa kuli wano akepe a kufuliela yami, Shinaho akamujichike liwe linene lia kutwa nalio ha kota yenyi, akamushimbamise mu jinga lia kalunga-lwiji.

Yilinga 9:4

Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona?

A-ROMA 14:13

Kashika kanda tulipatwila nawa umwe ni mukwo ni mukwo: alioze tupatulenu chino Shinaho, ngwetu niumwe kanda asa chihukanyiso hanji chitalingiso mu jila ya ndumbwenyi.

A-ROMA 15:21

Alioze ngwe chinasonewa ngwo, Waze kuli ayo kaambulwile nichimwe cha kutwala kuli iye kumakamona, ni waze kevwileko kumakanyingika.

A-ROMA 16:17

Haliapwila ngunaliumbu kuli yenu, mandumbu, nukase chinyingi waze akuuhandununa, ni waze akutalingisa, cha kulimika ni longeso lize nwalilongesele, nukaakondoloke.

2 Korintu 6:3

kanda tusa chitalingiso nichimwe ha chuma nichimwe, kuchina masuma chitela uvumbiko wetu;

Filipu 1:10

hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu;

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

2 Petulu 2:2

Ni anji kumakakaula yilinga yo ya ujila; mumu hali ayo makashililika jila ya umwenemwene.