Marku 9:41 - MUKANDA USANDU WA ZAMBI 1975

⁴¹ Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.

Mukanda Wa Zambi 1970

⁴¹ Yoze manwaha musenge wa meya a kunwa mumu nuli a Kristu chamwenemwene ngunanwambulwila ngwami, mutu yoze makatambula chawana chenyi.”

Marku 9:41 Iomraidhean Croise

Mateu 10:42

Mweswawo manwisa umwe wa kuli wano akepe musenge wa meya a kekema wika, mumu iye kambaji, pundu ngunambe kuli yenu ngwami, Yoze kechi katokesa kwononona chenyi nichimwe.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Marku 4:10

Muze apwile ukawenyi, waze amujingilikile hamwe ni kumi ni aali, amuhulile ha kutwala ku yishima.

A-ROMA 14:15

Mumu kachi ha mukunda wa kulia ndumbwe mevwa kupiha, yena kwendele nawa mu zango. Kanda ulumbula ni kulia che yoze amufwilile Kristu.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

1 Korintu 15:23

Alioze mutu ha mutu mu ngango yenyi: Kristu we muhuko utangu; mba kulutwe waze a Kristu ha kuheta chenyi.

1 Korintu 3:23

ni yenu nuli a Kristu; ni Kristu wa Zambi.

2 Korintu 10:7

Yenu nwakutala yuma yili kulutwe lia meso jenu. Kachi umwe malikolela ngwenyi, Yami wa Kristu, ashinginyeke chino cheka nawa ni muli iye mwene, chizechene ngwe iye wa Kristu, chocho nawa yetu tuli a Kristu.

Galashia 3:29

Nyi kachi nuli a Kristu, kachi nuli munyachi wa Apalahama ni maswana nikulita ni chilakenyo.

Galashia 5:24

Alioze atu a Kristu, hanahachila ha kulusu musunya ni kusasaminya chawo ni usolo wawo.