Marku 9:4 - MUKANDA USANDU WA ZAMBI 1975

⁴ Kwasolokele kuli ayo Eliya hamwe ni Mose: no ahanjikile ni Yesu.

Mukanda Wa Zambi 1970

⁴ Hohene Eliya ni Mose yaasoloka, te pande anate ni Yesu.

Marku 9:4 Iomraidhean Croise

Mateu 11:13

Mumu mikanda ya aprofeta ni ya shimbi yeswe yaprofetezele ndo kuli Yoano.

Marku 9:3

mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa.

Marku 9:5

Petulu yakumbulula kuli Yesu ngwenyi, Longeshi, chinawaha hali yetu kupwa kuno: tutungenu yisakila yitatu; chimwe hali yena, ni chikwo hali Mose, ni chikwo hali Eliya.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Luka 9:19

O amukumbulwile ngwo, Yoano Chipapachisa; ahoze akwo ngwo, Eliya; ni akwo ngwo, Umwe wa kuli aprofeta a shakulu hanahinduka.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.