Marku 9:25 - MUKANDA USANDU WA ZAMBI 1975

²⁵ Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Mukanda Wa Zambi 1970

²⁵ Yesu, ha kumona mbunga ni kukundama fuji, yakalumukina mwiku wa luchisa ngwenyi: “Yena mwiku wa kanaye kanda kafwa matwi, ngunakwambe ngwami, tuhuka muli iye. Kanda umunjila mo nawa.”

Marku 9:25 Iomraidhean Croise

Zakaria 3:2

Yehova yamba kuli Satana ngwenyi, Satana, Yehova akukanjise! Yehova mukwa kutongola Yerusaleme akukanjise! Yono hi mutondo ko wa kuchangumuna ku kahia?

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 17:18

Yesu wamwambilile; mba ndemoniu watuhukile muli iye; mwe mwana-lunga wahindukile chize ku ola yize.

Marku 9:15

Haze hene mbunga yeswe, muze amumwene, akomokene chikolo, o nikuzomboka kuli iye, amumenekene.

Marku 9:24

Haze hene tato ya mwana, watetele, wambile ni masoji ngwenyi, Mwene, ngunafuliela; kwasa kama chize ngunahono ha Ufulielo wami.

Marku 9:26

Iye muze te hakololoka, nikumutunyisa chikolo, watuhukile muli iye: iye wapwile ngwe mufu; chocho anji ambile ngwo, Hafwa.

Luka 11:14

Iye te kanatuhwisa ndemoniu kamama. Muze te ndemoniu hatuhuka, kamama wahanjikile; mbunga akomokene.

Luka 4:35

Yesu yamwambila ngwenyi, Hola, tuhuka muli iye, ni muze te ndemoniu hamulimbwila hashi mukachi ko, watuhukile muli iye, kamulemekene nichimwe.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Luka 8:29

Mumu te hamba Spiritu ya luchisa atuhuke muli mutu. Mumu kanji wamukwachile: ni atu amulayile wa kukasa ni malenge ni kuli; iye nikupatula makana pundu, amuhungumionene kuli ndemoniu ku puya.

Luka 9:42

Alioze shimbu te achili nikwiza, ndemoniu wamulimbwile, wamutunyishine chikolo. Yesu wakanjishile Spiritu ya luchisa, wahindwishile mwana-lunga, wamuhilwishile kuli tato.

Yilinga 16:18

Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Yuda 1:9

Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.