Marku 9:23 - MUKANDA USANDU WA ZAMBI 1975

²³ Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela.

Mukanda Wa Zambi 1970

²³ Yesu ngwenyi: “Kuwamba ngwe: ‘Nyi muuhasa.’ Yuma yeswe muyihasa kubwa kuli yoze unafuliela.”

Marku 9:23 Iomraidhean Croise

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Mateu 14:29

Aye wambile ngwenyi, Tweya. Petulu wasunukine mu ulungu, wendele ha meya mukuya kuli Yesu.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Marku 11:23

Pundu ngunambe kuli yenu ngwami, Mweswawo mamba ku mulundu uno ngwenyi, Tutuluka, ulimbile mu kalunga-lwiji; nyi kechi kayambashana mu mbunge yenyi, alioze mafuliela chize mamba muchipwa; cheswacho mamba, kumuchikapwa kuli iye.

Marku 9:22

Ni kanji hanamulimbwola mu kahia ni mu meya, hanga amwonwone: alioze kachi muhasa kulinga chuma chimwe, tuvwile kama keke, utukwase kama.

Marku 9:24

Haze hene tato ya mwana, watetele, wambile ni masoji ngwenyi, Mwene, ngunafuliela; kwasa kama chize ngunahono ha Ufulielo wami.

Luka 17:6

Mwene wambile ngwenyi, Kachi munupwa ni Ufulielo ngwe lunona wa mosetate; kachi munwamba ku musuwa uno ngwenu, Tangumuka, ulitumbe mu kalunga-lwiji; kumuunwononokena.

Yoano 11:40

Yesu yamba kuli iye ngwenyi, Chambile kuli yena ngwami, Kachi mufuliela kachi mumona uhenya wa Zambi, nyi?

Yilinga 14:9

Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.