Marku 9:19 - MUKANDA USANDU WA ZAMBI 1975

¹⁹ Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami.

Mukanda Wa Zambi 1970

¹⁹ Yesu yamba ngwenyi: “Mhmm! Ayenu akwa kuyambashana! Ndoo mwiji muka Changutamba kubwa hamwe ni yenu? Ndoo mwiji muka Changutamba kulihumikiza ni yenu? Ngunehenenu mwe mwana.”

Marku 9:19 Iomraidhean Croise

Miaso (Masamu) 78:22

Mumu kafulielele muli Zambi. Kajikijilile mu ulamwino wenyi.

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Kwalula 14:22

wano malunga eswe amwene ulemu wami ni yilayi yami yize nalingile mu Engitu ni mu puya, hanangweseka kumi lia yisuho, o kahalakanyine ku liji liami;

Kwalula 14:27

Ndo mwiji muka mungulihumikiza ni chikungulwila chino chipi? Kakulinyenyeta ni yami. Kunevwa kulinyenyeta cha A-Izalele chize alinyenyeta ni yami.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Marku 16:14

Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka.

Marku 9:18

kweswako mamukwata, mamulimbula: iye matutumuna fulufulu, malikopola ku mazo, mapokieka: nahanjikanga kuli tumbaji twe, hanga amutuhwise; alioze kahashileko.

Marku 9:20

Amunehene kuli iye: muze amumwene, haze hene Spiritu wamutunyishine chikolo; iye walimbukile hashi, walangumukine nikututumuna fulufulu.

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Luka 9:41

Yesu wakumbulwile, ngwenyi, Yenu! chisemuko kuchishi Ufulielo, chapiya, ndo mwiji muka mungupwa hamwe ni yenu, mungulihumikiza ni yenu? Neha mwané kuno.

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

Yoano 20:27

Kulutwe lia chize yamba kuli Tomase ngwenyi, Neha munwe we, utale moko jami, neha kwoko lie, ulise mu lumbu liami: kanda upwa kushi Ufulielo, alioze pwako mukwa kufuliela.

Shimbi 32:20

Yamba ngwenyi, Mungwaswekela meso jami nguchitale chize muchipwa songo lio. Mumu o kapwa chisemuko chapiya ana keshi mbunge.