Marku 9:17 - MUKANDA USANDU WA ZAMBI 1975

¹⁷ Mba umwe wa ku mbunga wamukumbulwile ngwenyi, Longeshi, nanehanga kuli yena mwanami wa lunga, Spiritu ya kamama akwete;

Mukanda Wa Zambi 1970

¹⁷ Umwe lunga wa mu mbunga yamukumbulula ngwenyi: “Longeshi, nakunehenanga mwanami wa lunga, mumu mwiku wa kanaye akwete.

Marku 9:17 Iomraidhean Croise

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 17:15

Mwene, ivwa kama keke hali mwanami wa lunga: mumu musongo wa ngulu kali nawo, kakwivwa lamba chikolo; mumu kanji kakulimbwokela mu kahia, ni kanji mu meya.

Mateu 9:32

Shimbu machituhuka, anehene kuli iye kamama, mukwa ndemoniu.

Marku 10:13

O anehene kuli iye ana akepe, hanga akaasayike moko: ni tumbaji aakanjishile.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Marku 7:26

Achi, pwo wapwile Ka-Ngresia mukwa Serufwenishia ku munyachi wenyi, waliumbile kuli iye, hanga atuhwise ndemoniu muli mwanenyi wa pwo.

Marku 9:16

Iye waahulile ngwenyi, Kuchi nunalihangujola no?

Marku 9:18

kweswako mamukwata, mamulimbula: iye matutumuna fulufulu, malikopola ku mazo, mapokieka: nahanjikanga kuli tumbaji twe, hanga amutuhwise; alioze kahashileko.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 11:14

Iye te kanatuhwisa ndemoniu kamama. Muze te ndemoniu hatuhuka, kamama wahanjikile; mbunga akomokene.

Luka 9:38

Kumanyi, lunga wa ku mbunga wakololokele ngwenyi, Longeshi, ngunaliumbu kuli yena, tala kuli mwanami wa lunga: mumu iye mwanami wa wika.

Yoano 4:47

Muze evwile ngwo, Yesu hakatuka ku Yundeya, haheta ku Ngalileya, wayile kuli iye, waliumbile kuli iye, apalumuke, akahindwise mwanenyi; mumu te hakamwihi ni kufwa ali.