Marku 8:34 - MUKANDA USANDU WA ZAMBI 1975

³⁴ Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule.

Mukanda Wa Zambi 1970

³⁴ Hazehene yatambika mbunga hamwe ni tumbaji twenyi, yaamba ngwenyi: “Nyi umwe mazanga kungukaula, alitwamine kulinyonga iye mwene, azundule kulusu yenyi, angukaule.

Marku 8:34 Iomraidhean Croise

1 Yitanga Ya Mianangana 14:8

Nachangumwine wanangana ku munyachi wa David nikuuhana kuli yena. Hindu kuwapwile ngwe kavumbi kami David. Iye wafungile shimbi jami, wangukawile ni mbunge yenyi yeswe, walingile chipema kumeso jami wika.

Kwalula 14:24

Alioze Kalemba, kavumbi kami, mumu iye kali ni Spiritu yeka, hanangukaula liakulu, kumungukamuhetesa iye ku chifuchi kuze ayile iye. Ana jenyi makachizuka.

Mateu 10:38

Yoze keshi kuzundula kulusu yenyi, keshi kungukaula, kangutelele.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Mateu 27:32

Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi.

Marku 10:21

Yesu, ha kumutala wamuzangile, wambile kuli iye ngwenyi, Chuma chimuwika unahono: yako, ulanjise yeswayo uli nayo, uhane kuli yiswale, mba Kumukapwa ni upite mwilu: wize, Ungukalile.

Marku 7:14

Watambikile mbunga kuli iye cheka nawa, wambile kuli ayo ngwenyi, Ngwivwenu eswe, chikanulumbunuke:

Luka 13:24

Litachikenu kunjila ku chikolo chikehe; mumu anji, ngwami, Makafupa kunjilamo, alioze kechi kahasa.

Luka 14:33

Chocho kevwe mweswawo wa kuli yenu keshi kwehuka yize yeswe ali nayo, kahashile kupwa kambaji kami.

Luka 18:22

Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Luka 20:45

Shimbu atu eswe machipanjika, wambile kuli tumbaji twenyi ngwenyi,

Luka 9:23

Iye wambile kuli eswe ngwenyi, Kachi umwe mazanga kungukaula, akalikale iye mwene, akazundule kulusu yenyi tangwa ha tangwa, akangukaule.

Yoano 10:27

Mapanga jami kakwivwavwa liji liami, yami ngunaanyingika, no kakungukaula:

Yoano 19:17

Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota:

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

A-ROMA 6:6

se tunanyingika ngwetu, Hanahachila mutu wetu mukulu ha kulusu hamwe nenyi, hanga mujimba wa shili ukahwe, hanga kutuchi kapwa nawa mu undungo wa shili;

A-ROMA 8:17

Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.

1 Korintu 15:31

Ewa, ngunashindakenya ku kulisamba chize hali yenu, mandumbu, chize nguli nacho muli Kristu Yesu Mwene wetu, nakufwa tangwa ha tangwa.

1 Korintu 8:13

Kashika kachi kulia muchitalingisa ndumbwami, chichi kalia nawa yifwo niyimwe ndo ku miaka ya mutolo, hanga chichi katalingisa ndumbwami.

1 Korintu 9:19

Mumu chipwe natusukile kuli atu eswe, nalipwishile ndungo kuli eswe, hanga ngukazuke anji ahiana.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Galashia 5:24

Alioze atu a Kristu, hanahachila ha kulusu musunya ni kusasaminya chawo ni usolo wawo.

Galashia 6:14

Alioze kanda chikapwa kama kuli yami kulisamba shina mu kulusu ya Mwene Yesu Kristu, ku yenayo hanashihi yuma ya hashi kuli yami, ni yami hanangushihi ku yuma ya hashi.

Filipu 3:10

hanga ngukamunyingike, ni tachi ja Uhindukilo wenyi, ni kulikunda cha lamba lienyi, nikulifwa ni kufwa chenyi;

Filipu 3:7

Alioze yuma yize yapwile kuli yami ngwe kufumbuka, yino nanyongene kupwa kutokesa mumu hali Kristu.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

2 A-TESALONIKA 3:11

Mumu tunevu ngwo, Kwali amwe anende hakachi kenu ni kulumbuka, waze keshi kulinga milimo niyimwe, alioze kapwa akwa kalundanganyishi.

Titu 2:12

nikutufumba, ngwo, Chatutamba kwenda ni mana ni ululi ni uwayilo, ni kulikala utanganyanyi ni usolo wa hano hashi, ha mwakono haliapwila;

Hebreu 13:13

Kashika tutuhukenu tuye kuli iye haze, ni kumbata luchoko yoze amuchokele nenyi Kristu.

1 Petulu 4:1

Kashika chizechene ngwe Kristu hanevu lamba mu musunya, lipakatenu nawa ni kunyonga chimuwika; mumu yoze hanevu lamba mu musunya hanalitwamina ku shili;

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

2 Petulu 1:14

se ngunanyingika kuzula cha mbalaka yami muchikapwa kulutwe lia shimbu likepe, chizechene ngwe Mwene wetu Yesu Kristu wangulwezele.

1 Yoano 3:16

Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.