Marku 8:33 - MUKANDA USANDU WA ZAMBI 1975

³³ Alioze iye, ha kutewuluka, yamona tumbaji twenyi, Wámbilile Petulu ngwenyi, Sosoloka kunyima yami, Satana, mumu kushi kunyonga yuma ya Zambi, alioze yuma ya atu.

Mukanda Wa Zambi 1970

³³ Alioze Yesu yatewuluka, nikutala tumbaji twenyi, yabajila Petulu ngwenyi: “Ngukatuke Sakwonga, mumu kuushi kunyonga ngwe Zambi, alioze ngwe atu.”

Marku 8:33 Iomraidhean Croise

2 Samuel 19:22

David yamba ngwenyi, Enu ana ja Zeluia, kuchi ni yenu ni yami, nupwe akwa kulimika ni yami musono? Kechi kushiha niumwe mu Izalele musono. Te chachinyingikine ngwami, Nguli mwanangana wa Izalele musono, nyi?

Jobe 2:10

Alioze Jo yamba kuli iye ngwenyi, Unahanjika ngwe umwe hakachi ka yihepuke ja mapwo mahanjika. Te mututambula yipema ku kwoko lia Zambi, mba yipi kanda tuyitambula nyi? Mu yino yeswe Jo kavulumwine ni kanwa lienyi.

Miaso (Masamu) 141:5

Akwa ululi akangulambe; muchipwa ngwe utu wa zango. Akangwambe; muchipwa ngwe maji ha mutwe wami. Kanda utayiza mutwe wami kulitunacho, alioze kulemba chami muchinyongonoka ndusu mu kupinjisa cha waze.

Alevi 19:17

Kanda uswekela mukwenu kole mu mbunge ye, alioze hanjika nenyi kuchina musala ni mulonga mumu hali iye.

Mateu 15:23

Alioze kamukumbulwile liji nilimwe, ni tumbaji twenyi ejile kuli iye, aliumbile kuli iye ngwo, Muhume; mumu kanakololoka kunyima yetu.

Mateu 16:23

Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Marku 3:34

Iye nikukengesa kuli waze anatwama ha kumujingilika, yamba ngwenyi, Talenu, mama ni ana-akwetu!

Marku 3:5

Muze te hakengesa hali ayo ni utenu, nikwivwa chinyengo ha kukala cha mbunge jo, yamba kuli mutu ngwenyi, Olola kwoko lie. Iye waliolwele; ni kwoko lienyi liahindukile lingunu ngwe likwo.

Luka 22:61

Mwene watewulukile, watalile meso kuli Petulu. Petulu wewulukile liji lia Mwene, ngwe chize ambile kuli iye ngwenyi, Shimbu ndemba kanda achitambika musono uno, yena mukalikala yami katatu.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Luka 9:55

Alioze watewulukile, waámbilile, ngwenyi, Kunwanyingikine a ku Spiritu yoze nuli,

1 Korintu 5:5

nukakunjike umwe ngwe yono kuli Satana akenyeke musunya, hanga akalamwine Spiritu ha tangwa lia Mwene Yesu.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

1 Timoteu 5:20

Waze mavulumuna, ukaakumike kumeso ja atu eswe, hanga akwo nawa akapwe ni woma.

Titu 1:13

Shindakenyo yino yamwenemwene. Ha chikuma chino, ukaakumike chikolo, hanga akapwe angunu mu Ufulielo,

1 Petulu 4:1

Kashika chizechene ngwe Kristu hanevu lamba mu musunya, lipakatenu nawa ni kunyonga chimuwika; mumu yoze hanevu lamba mu musunya hanalitwamina ku shili;

1 Yoano 2:15

Kanda nuzanga hano hashi, chipwe yuma yize yili hano hashi. Kachi umwe mazanga hano hashi, kachi zango lia Tata kulishimo muli iye.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.