Marku 8:29 - MUKANDA USANDU WA ZAMBI 1975

²⁹ Iye waahulile ngwenyi, Alioze ni yenu, kuchi nwakunguvuluka? Petulu yamukumbulula, ngwenyi, Mwe Kristu yena.

Mukanda Wa Zambi 1970

²⁹ Yesu yaahula ngwenyi: “Alioze yenu, kuchi nwakunguvuluka ngwenu nguli iya?” Petulu yakumbulula ngwenyi: “Yena mwe Chilamwina yoze Zambi alakenyene.”

Marku 8:29 Iomraidhean Croise

Marku 4:11

Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima:

Luka 9:20

Iye ngwenyi, Yenu kuchi nwakunguvuluka? Petulu wamukumbulwile ngwenyi, Mwe Kristu wa Zambi.

Yoano 11:27

Yamba kuli iye ngwenyi, Ewa, Mwene: hingunafuliela ngwami, mwe Kristu yena, mwe Mwana Zambi, yoze meza hano hashi.

Yoano 4:42

o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.

Yoano 6:68

Semone Petulu wamukumbulwile ngwenyi, Mwene, kuli iya mutuya? Yena e maliji a mwono wa mutolo uli no.

Yoano 6:69

Hitunafuliela, kutunanyingika mwe Musandu wa Zambi yena.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

1 Petulu 2:7

Kuli yenu kashika, nwakufuliela, iye mulemu: alioze kuli waze keshi kwononoka, liwe lia lutwe lia mbango.

1 Yoano 4:15

Mweswawo matayiza ngwo, Yesu iye mwe Mwana Zambi, Zambi matwama muli iye, iye matwama muli Zambi.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.