Marku 8:25 - MUKANDA USANDU WA ZAMBI 1975

²⁵ Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala.

Mukanda Wa Zambi 1970

²⁵ Yesu yamusa nawa moko ha meso. Mutu yoze yeseka nawa kuhiana, yalaula, yamona yuma yeswe zwalala.

Marku 8:25 Iomraidhean Croise

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Mateu 13:12

Mumu mweswawo ukwete, kumakamwaha, kumakapwa nayo ya kulumbama: alioze mweswawo keshi nacho, kumakamuchiza chipwe chize ali nacho.

Marku 8:24

Iye wahetwile meso, wambile ngwenyi, Ngunamono malunga; ngwe mitondo yinende.

Marku 8:26

Iye wamutumine ku zuwo lienyi, ngwenyi, Chipwe kanda ukanjila mu chihunda, chipwe kanda ukaambulwila niumwe mu chihunda.

Yilinga 1:10

Shimbu machihulikila meso mwilu, shimbu Mwene machiya, kumanyi, malunga aali amanyine hakamwihi no, ni mahina atoma ja mukambo;

Yilinga 14:9

Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.