Marku 8:23 - MUKANDA USANDU WA ZAMBI 1975

²³ Iye wakwachile kapuputa ku kwoko, wamutwalile haze lia chihunda; ni muze te hafwila mate ha meso jenyi, hamusayika moko, wamuhulile ngwenyi, Unamono chimwe, nyi?

Mukanda Wa Zambi 1970

²³ Yesu yamukwata ku kwoko, yamutwala haze lia limbo. Muze te hamukwita mate ha meso, yamusa moko, yamuhula ngwenyi: “Muuhasa kumona chimwe Chuma, nyi?”

Marku 8:23 Iomraidhean Croise

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 51:18

Hakachi ka ana eswe hasema kukushi niumwe kumusongwela; hakachi ka ana eswe halela kukushi niumwe kumukwata ku kwoko.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Marku 7:33

Iye wamutwalile ku tenga lia mbunga ukawenyi, wasele minwe ku matwi jenyi, iye wafwilile mate, wasele munwe ku limi lienyi;

Marku 8:24

Iye wahetwile meso, wambile ngwenyi, Ngunamono malunga; ngwe mitondo yinende.

Marku 8:26

Iye wamutumine ku zuwo lienyi, ngwenyi, Chipwe kanda ukanjila mu chihunda, chipwe kanda ukaambulwila niumwe mu chihunda.

Yilinga 23:19

Manjolo wamukwachile ku kwoko, amutwale ku tenga ukawo, wamuhulile ngwenyi, Chika uli nacho kungwambulwila?

Yilinga 9:8

Mba Saulu wakatukile hashi, alioze muze alawile meso jenyi, kamwene nichimwe. Kashika amusongwelele ku kwoko, amutwalile ku Ndamaseku.

Hebreu 8:9

Kuushi kulita ni usendo uze nakwachile ni tulamba twenu ha tangwa lize naakwachile ku kwoko mukwatwala haze lia chifuchi cha Engitu; mumu kanyongonwene mu usendo wami, kashika naahumbwile, chocho anambe Mwene ngwenyi,

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.