Marku 8:21 - MUKANDA USANDU WA ZAMBI 1975

²¹ Iye wambile kuli ayo ngwenyi, Hindu kuchanulumbunukine, nyi?

Mukanda Wa Zambi 1970

²¹ Neye yamba ngwenyi: “Kanda chinulumbunuka, nyi?”

Marku 8:21 Iomraidhean Croise

Miaso (Masamu) 94:8

Nyongenu yenu hakachi ka atu nunapu ngwe tushitu. Enu yihepuke, tangwa lika mununyonga mana?

Marku 6:52

mumu chipupu cha mbolo kuchaalumbunukine, mumu mbunge jo jakalile.

Marku 8:12

Iye watwile chikolo mikuma mu Spiritu yenyi, yamba ngwenyi, Kuchi te chisemuko chino muchifupa chilayi? Pundu ngunambe kuli yenu ngwami, Kechi kahana chilayi ku chisemuko chino.

Marku 8:17

Yesu se kachinyingika, yamba kuli ayo ngwenyi, Kuchi te nunanyongo, mumu mbolo kunushi nayo? Hindu kanda nuchinyonga, nyi? Hanji kuchanulumbunukine, nyi? Mbunge jenu hijanukala, nyi?

Marku 8:22

Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe.

Marku 9:19

Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

1 Korintu 15:34

Lawilenu ku ululi, kanda nuvulumuna; mumu amwe keshi chinyingi cha Zambi: ngunahanjika chino hanga ngunukolese sonyi.

1 Korintu 6:5

Ngunahanjika chino kunukolesa sonyi. Kumanyi, mukwa mana wakuhi hakachi kenu, nyi? Chipwe umuwika, yoze mahasa kupatula hakachi ka mandumbu jenyi, nyi?