Marku 8:13 - MUKANDA USANDU WA ZAMBI 1975

¹³ Iye waahichikile, ni cheka nawa ha kunjila mu ulungu, wakatukile akaye mu sali.

Mukanda Wa Zambi 1970

¹³ Mba Yesu yaahichika, yanjila mu wato, yazauka musali lia chitende.

Marku 8:13 Iomraidhean Croise

Miaso (Masamu) 81:12

Kashika naakunjikile ku pami ja mbunge jo, hanga akende nikulita ni yiyulo yo ene.

Jeremia 23:33

Muze umwe wa wano atu, hanji profeta, hanji sasendote makuhula ngwenyi, Chiteli cha Yehova chika? Muwamba kuli ayo ngwe, Yena mwene uli chiteli, mba Yehova kanambe ngwenyi, Ngunambe kukumbila.

Hosea 4:17

Eframe hanalinungu ni mahamba, inwechenu!

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Marku 8:12

Iye watwile chikolo mikuma mu Spiritu yenyi, yamba ngwenyi, Kuchi te chisemuko chino muchifupa chilayi? Pundu ngunambe kuli yenu ngwami, Kechi kahana chilayi ku chisemuko chino.

Marku 8:14

O avulamine kumbata mbolo; kambachile mu ulungu shina mbolo yimuwika.

Luka 8:37

Ni chizavu cheswe cha ku chifuchi cha A-Ngarase amulembele akatuke kuli ayo: mumu evwile woma wunji; iye wanjilile mu ulungu akahiluke.

Yoano 12:36

Shimbu nuli ni pangu, fulielenu pangu, hanga nukapwe ana a pangu. Yino yuma ahanjikile Yesu, mba yakatuka, yaswama kuli ayo.

Yoano 8:21

Yesu kashika wambile kuli ayo cheka nawa ngwenyi, Munguya kwami, kumunukangufupa, munukafwa mu milonga yenu: ni kuze munguya, kunwahashile kuhetako.

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

Yilinga 27:2

Mba nikunjila mu ulungu wa ku Andramitenu, uze te himuwenda ku membo a ku mbaka ya Eshia, twakatukile, Aristako Ka-Masendoniya wa ku Tesalonika wayile hamwe ni yetu.