Marku 7:9 - MUKANDA USANDU WA ZAMBI 1975

⁹ Iye wambile kuli ayo ngwenyi, Pundu nwakulituna liji lia shimbi lia Zambi, hanga nukatange ndongo ja yenwene.

Mukanda Wa Zambi 1970

⁹ Neye yaamba nawa ngwenyi: “Kanawa nwakwehuka Shimbi ja Zambi hanga nuhase kulalaminya ndako jenu!

Marku 7:9 Iomraidhean Croise

Miaso (Masamu) 119:126

Mwaka wa Yehova hiweza wa kulinga milimo yenyi, mumu hanatenge shimbi ye yamokomoko.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Marku 7:13

nwakulelesa liji lia Zambi ni ndongo jenu jize nwakujikunjika: ni yuma yinji ya kulifwa ni yino nwakulinga.

Marku 7:3

(Mumu A-Fwariseu ni A-Yunda eswe keshi kulia shina masana ku moko kanji, se anakakaminya ku ndongo ja makulwana;

Marku 7:5

Mba A-Fwariseu ni akwa kusonyeka yamuhula ngwo, Kuchi te tumbaji twe keshi kwenda nikulita ni ndongo ja makulwana, alioze kakulia mbolo jo ni moko a majilo.

A-ROMA 3:31

Mba hinapwisa shimbi yamokomoko ku Ufulielo, nyi? Ka, pundu: Shinaho tunakolesa shimbi.

2 Korintu 11:4

Mumu kachi yoze meza, mambujola umwe Yesu mukwo, yoze yetu kutwamwambujolele, hanji munutambula Spiritu yeka, yoze kunwamutambwile, hanji sango lipema lieka, lize kunwatambwile, munulinga kanawa kulihumikiza, kumanyi

Galashia 1:14

Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka.

Galashia 2:21

Chishi kupwisa vumbi lia Zambi liamokomoko: mumu kachi ululi muupwa mumu ha shimbi, kachi kufwa cha Kristu chamokomoko.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.