Marku 7:7 - MUKANDA USANDU WA ZAMBI 1975

⁷ Alioze hamokomoko kakunguwayila, nikulongesa ngwe longeso lio, yambo ya atu.

Mukanda Wa Zambi 1970

⁷ Chamokomoko akunguwayila, mumu kaakulongesa ndako ja atu ngwe Shimbi jami,’ Chenacho anambe Zambi.”

Marku 7:7 Iomraidhean Croise

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Mateu 15:9

Alioze hamokomoko kakunguwayila, Nikutenga ndongo ja atu shimbi.

Mateu 6:7

Ha kulemba kanda nukakokojola chamokomoko ngwe akwa mavungu akulinga: mumu o kakushinginyeka ngwo, Makatupanjika ha kuhanjika chetu chinji.

1 Korintu 15:14

Nyi kachi kahindwishile Kristu, kachi kwambujola chetu chamokomoko, ni Ufulielo wenu nawa wamokomoko.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Kolosu 2:22

(yuma yize yeswe muyipola ha kulinga nayo), nikulita ni yambo ni longeso lia atu.

Titu 3:9

Alioze China kulihangujola cha uhepuke, ni kujichika miya, ni vunda, ni kulitachika cha kutwala ku shimbi, mumu kuyishi kufumbuka; yapwa yamokomoko.

Tiangu (Jake) 1:26

Kachi umwe malishinginyeka kupwa mukwa kuwayila, shimbu keshi kuhombola limi lienyi, aiioze kakwonga mbunge yenyi mwene, uwayilo wa yono wamokomoko.

Tiangu (Jake) 2:20

Alioze unazange kunyingika, yena mutu wamokomoko, ngwe Ufulielo kuushi yitanga kuunafu, nyi?

Usolwelo 22:18

Ngunashindakenya kuli mweswe mevwa maliji a uprofeto wa mukanda uno; ngwami, Kachi umwe maweza ku yino yuma, kachi Zambi makaweza kuli iye lamba lieka ni lieka, lize linasonewa mu mukanda uno.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.