Marku 7:34 - MUKANDA USANDU WA ZAMBI 1975

³⁴ nikuhetula meso jenyi kwilu, watwile mikuma, yamba kuli iye ngwenyi, Efwata, chinalumbunuka ngwo, Jikuka.

Mukanda Wa Zambi 1970

³⁴ Yesu yatala kwilu, yatwa mikuma, yamwamba ngwenyi: “Efata,” kulumbunuka ngwo: “Jikuka.”

Marku 7:34 Iomraidhean Croise

Kutuhuka 2:23

Ha kupalika miaka yize yinji mwanangana wa Engitu yafwa. Mba A-Izalele afwile mikuma mumu ha mukunda wa upinji; atetele, mba muteto wo wahetele kwilu kuli Zambi, mumu ha mukunda wa upinji.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Marku 1:41

Yesu nikumuvwila keke, wolwele kwoko lienyi, wamusele minwe, ngwenyi, Ngunapale; pwako mupema.

Marku 15:34

Mba ha ola yamuchilivwa, Yesu wakololokele ni liji linene ngwenyi, Eloi, Eloi, lama sambatani? Chinalumbunuka ngwo, Zambi yami, Zambi yami, kuchi te wangwehuka?

Marku 5:41

Iye wakwachile mwana-pwo ku kwoko, yamba kuli iye ngwenyi, Talita kumi; chinalumbunuka, Mwana-pwo, ngunambe kuli yena ngwami, Hinduka.

Marku 6:41

Iye wanjile mbolo jitano ni yishi aali, nikuhetula meso jenyi kwilu, wawahishile, wapalwile mbolo, wajihanyine kuli tumbaji twenyi, hanga ajitumbike kumeso jo; ni yishi aali wanyine hakachi ka eswe.

Marku 7:35

Haze hene matwi jenyi ajikukile, ni uta wa limi lienyi watusukile, iye wahanjikile pundu.

Marku 8:12

Iye watwile chikolo mikuma mu Spiritu yenyi, yamba ngwenyi, Kuchi te chisemuko chino muchifupa chilayi? Pundu ngunambe kuli yenu ngwami, Kechi kahana chilayi ku chisemuko chino.

Luka 18:42

Yesu wambile kuli iye ngwenyi, Laula ku meso: Ufulielo we hiwakupwisa mungunu.

Luka 19:41

Muze akundamine, watalile limbo, walilililile,

Luka 7:14

Iye wakundamine, wasele minwe ku muhango; ni akwa kumbata amanyine, iye wambile ngwenyi, Mukweze, ngwami, Hinduka.

Yoano 11:33

Muze Yesu kashika amumwene kanalili, ni A-Yunda nawa analili, waze ejile hamwe nenyi, watwile mikuma mu Spiritu, nikulipikala.

Yoano 11:35

Yesu Walilile.

Yoano 11:38

Yesu kashika nikutwa mikuma cheka nawa mu mbunge yenyi, yeza ku fuka. Achi fuka liapwile chivwenge, ni liwe aliseleho.

Yoano 11:41

Achijile kashika liwe; ni Yesu wahetwile meso jenyi kwilu, iye wambile ngwenyi, Tata, ngunakusakwila mumu wanguvwile.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.