Marku 7:27 - MUKANDA USANDU WA ZAMBI 1975

²⁷ Yesu wambile kuli iye ngwenyi, Ana aliange kukuta: mumu kuchawahile kuchiza mbolo ja ana ni kujimbila kuli tuwa.

Mukanda Wa Zambi 1970

²⁷ Yesu yamwamba ngwenyi: “Achecha hatangu ana achikute, mumu kuchalitele kwanda yakulia ya ana ni kuyimbilila tuwa.”

Marku 7:27 Iomraidhean Croise

Mateu 10:5

Wano kumi ni aali Yesu waatumine, waahele koki ngwenyi, Kanda nukaya mu jila ya akwa mavungu, kanda nunjila mu limbo lia A-Samaria:

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Marku 7:26

Achi, pwo wapwile Ka-Ngresia mukwa Serufwenishia ku munyachi wenyi, waliumbile kuli iye, hanga atuhwise ndemoniu muli mwanenyi wa pwo.

Marku 7:28

Alioze wamukumbulwile, ngwenyi, Ewa, Mwene; hindu chipwe tuwa kushi lia mesa kakulialia yifwenyufwenyu ya ana.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

A-ROMA 15:8

Mumu ngunambe ngwami, Kristu wapwile kavumbi ka ungalami mukusolola umwenemwene wa Zambi, hanga akakolese yilakenyo kuli tulamba,

Efesu 2:12

Ha miaka yize nwapwile kunushi ni Kristu, tundaka ku vungu lia Izalele, ni yilambala ku usendo wa chilakenyo, ni kutalatala nichimwe, nwapwile kunushi ni Zambi hano hashi.