Marku 7:24 - MUKANDA USANDU WA ZAMBI 1975

²⁴ Iye wakatukile kuze, wayile ku manjiza ja Teru ni Sendone. Wanjilile mu zuwo, mumu kazangile niumwe kuchinyingika, hindu kahashile kuswama.

Mukanda Wa Zambi 1970

²⁴ Yesu yakatuka ko, yaya ku chifuchi chize chakusulangana ni limbo lia Tiru, yanjila mu limwe zuwo. Kazangile niumwe kunyingika kuze te ali, hindu kahashile kuswama.

Marku 7:24 Iomraidhean Croise

Ubutukilo 10:15

Kanana yasema kapula-jimo Sendone, ni Hete,

Ubutukilo 10:19

Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

Ubutukilo 49:13

Zapulone makatwama ku ngenge ya kalunga-lwiji. Makapwa zuzu ya mato. Njiza yenyi muyikapwa ku Sendone.

Izaya 23:12

Yamba ngwenyi, Ena mwana-pwo wa *virgem Sendone kanakupinjisa, kuchi kulikwiza nawa. Katuka uzauke ku Kitime, alioze chipwe kuze kuchi kuwana uhwimino.

Izaya 42:2

Kechi kukololoka, hanji kukalumioka, kechi kuvwisa liji lienyi mu tapalo.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mateu 9:28

Muze te hanjila mu zuwo, tupuputa ejile kuli iye: mba Yesu yamba kuli ayo ngwenyi, Nunafuliela ngwe munguhasa kulinga chino, nyi? O yamba kuli iye ngwo, Ewa, Mwene.

Marku 2:1

Muze anjilile cheka nawa mu Kafwanaume kulutwe lia matangwa amwe, achivwile ngwo, Mu zuwo ali.

Marku 7:23

yino yuma yeswe ya ungulungulu kuyakutuhuka muchima, kuyakuchisa mutu.

Marku 7:25

Alioze haze hene umwe pwo, mwanenyi mukepe wa pwo wapwile ni Spiritu ya luchisa, ha kumwivwa lufuma, wejile, wafulamanyine ku yiliato yenyi.

Marku 7:31

Cheka nawa wakatukile ku manjiza ja Teru ni Sendone, wahetele ku Chitende cha Ngalileya, ndusu mu manjiza ja Ndekapoli.

1 Timoteu 5:25

Chizechene nawa yitanga yipema ya amwe yinasoloka liakulu, ni yize muyipwa yeka kuyishi kuhasa kuswama.