Marku 7:23 - MUKANDA USANDU WA ZAMBI 1975

²³ yino yuma yeswe ya ungulungulu kuyakutuhuka muchima, kuyakuchisa mutu.

Mukanda Wa Zambi 1970

²³ Yino yeswe yakutuhuka mu mbunge ya mutu, yenayo ye yaamuvulumwisa.”

Marku 7:23 Iomraidhean Croise

Marku 7:15

chuma chakuhi chize chili haze lia mutu, ha kunjila muli iye, muchihasa kumuchisa, nichimwe; alioze yuma yize muyituhuka muli iye, ye yize yakuchisa mutu.

Marku 7:18

Iye yamba kuli ayo ngwenyi, Ni yenu nawa kunushi malinjekela, nyi? Kunwanyingikine ngwo, Cheswacho chakukatuka haze, chikanjile muli mutu, kuchishi kuhasa kumuchisa;

Marku 7:20

Iye wambile ngwenyi, Chuma chize muchituhuka muli mutu, chize muchichisa mutu.

Marku 7:22

ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Marku 7:24

Iye wakatukile kuze, wayile ku manjiza ja Teru ni Sendone. Wanjilile mu zuwo, mumu kazangile niumwe kuchinyingika, hindu kahashile kuswama.

1 Korintu 3:17

Kachi umwe malumbula tembele ya Zambi, kachi Zambi makamulumbula; mumu tembele ya Zambi yisandu, yenayo nunapu yenu.

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Yuda 1:8

Hindu chizechene ni wano nawa, ha kulota cho kakuchisa musunya, kakulelesa yiyulo, kakutuka e alemu.