Marku 7:21 - MUKANDA USANDU WA ZAMBI 1975

²¹ Mumu muchima, mu mbunge ja atu nwakutuhuka, ni manyonga api, ni utanji, ni wiji, ni ungalwe, ni upangala,

Mukanda Wa Zambi 1970

²¹ Mumu muchima lia mbunge ya mutu mwakutuhuka manyonga abi, e akumuzondola ni kulinga utanji ni twamishi, ni kwiya, ni kushiha atu,

Marku 7:21 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Jobe 14:4

Iya mahasa kuchiza chuma chipema muchima lia chuma chipi? Niumwe.

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Miaso (Masamu) 119:36

Twala mbunge yami ku Shindakenyo je hi ku kuzo ko.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Miaso (Masamu) 14:3

Eswe hanapianguka; hanapiha. Kukushi niumwe yoze wakulinga chipema, chipwe umuwika ka.

Miaso (Masamu) 53:1

Chihepuke hanambe mu mbunge yenyi ngwenyi, Wakuhi Zambi niumwe. Kapiha; hanalingi uhenge wa kuzelwokesa. Niumwe walinga yipema wakuhi.

Miaso (Masamu) 53:3

Eswe lukombo hanahiluka kunyima; eswe hamuwika hanapiha. Kukushi niumwe walinga yipema, chipwe umuwika, ka.

Yishima 15:25

Yehova kakutukula zuwo lia mukwa kulengumuka, alioze kakukolesa njiza ya twamishi.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Ezekiel 38:10

Mwene Yehova kanambe ngwenyi, Ha tangwa lize manyonga makeza mu mutwe we, ni yena mukataka chuma chipi,

Mateu 15:19

Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Mateu 9:4

Alioze Yesu, nikunyingika yishinginyeka yo, wambile ngwenyi, Kuchi te nunashinginyeka yuma yipi mu mbunge jenu?

Marku 7:20

Iye wambile ngwenyi, Chuma chize muchituhuka muli mutu, chize muchichisa mutu.

Marku 7:22

ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Yilinga 5:4

Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi.

Yilinga 8:22

Likonyeke kashika ha uno uhuka we, uliumbe kuli Mwene kachi makukonekena kama chitaka cha mbunge ye.

A-ROMA 7:5

Mumu muze twapwile mu musunya, usolo uze ye shimbi yaukasumwine walingile mu yihanda yetu, hanga yikeme mihuko ya kufwa.

A-ROMA 7:8

alioze shili, nikuwana unjililo ku shimbi, yalingile muli yami kuzo yeswe: mumu shili kuyishi shimbi kuyinafu.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Tiangu (Jake) 2:4

kunwasele katonde hakachi ka yenwene, nyi? Kunwalipwishile sopi ni manyonga ja ungulungulu, nyi?