Marku 7:15 - MUKANDA USANDU WA ZAMBI 1975

¹⁵ chuma chakuhi chize chili haze lia mutu, ha kunjila muli iye, muchihasa kumuchisa, nichimwe; alioze yuma yize muyituhuka muli iye, ye yize yakuchisa mutu.

Mukanda Wa Zambi 1970

¹⁵ chize chakukatuka haze ni kunjila muli mutu kuchishi kumuvulumwisa, alioze yize yakutuhuka mu mbunge ya mutu, ye yakumuvulumwisa. (

Marku 7:15 Iomraidhean Croise

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 15:16

Neye wambile ngwenyi, Ni yenu nawa hindu kunushi malinjekela, nyi?

Marku 7:14

Watambikile mbunga kuli iye cheka nawa, wambile kuli ayo ngwenyi, Ngwivwenu eswe, chikanulumbunuke:

Marku 7:16

Kachi umwe uli ni matwi a kwivwa, evwe.

Yilinga 10:28

wambile kuli ayo ngwenyi, Yenu nunanyingika ngwe kuchalitele hali Ka-Yunda kulifutula, hanji kuliendela ni umwe wa ku vungu likwo, alioze Zambi hanangulweza ngwenyi, Kanda uvuluka niumwe mupi hanji wa luchisa:

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

1 Korintu 10:25

Cheswacho analanjisa mu yitanda, lienu, kanda nuhula nichimwe mumu ha shimbi ya mbunge;

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.