Marku 7:10 - MUKANDA USANDU WA ZAMBI 1975

¹⁰ Mumu Mose wambile ngwenyi, Lemesa tatenu ni noko; chikwo ngwenyi, Yoze mahanjika yipi hali tato hanji naye, akafwe lume:

Mukanda Wa Zambi 1970

¹⁰ Mumu Mose hanambe: ‘Lemesa tatenu ni noko’; nawa ‘Yoze mahanjika yibi hali tato hanji naye, chatamba kumushiha’

Marku 7:10 Iomraidhean Croise

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 21:17

Yoze mashililika tato hanji naye, akamushihe lume.

Yishima 20:20

Mweswe matuka tato hanji naye, ndeya yenyi makayijimisa mu milima pwi.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Alevi 20:9

Mweswawo matuka tato hanji naye akamushihe. Hatuka tato hanji naye, kashika manyinga jenyi akapwe hali iye mwene.

Mateu 15:4

Mumu Zambi wahanyine shimbi ngwenyi, Lemesa tatenu ni noko: chikwo nawa, yoze mahanjika yipi hali tato hanji naye, akafwe.

Marku 10:19

Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko.

Shimbi 27:16

Kashingiwa mutu yoze malelesa tato hanji naye. Atu eswe até ngwo, Amene.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.