Marku 6:6 - MUKANDA USANDU WA ZAMBI 1975

⁶ Wakomokene mumu te kafulieleleko. Iye wapwile nikujingajinga ku yihunda nikulongesa.

Mukanda Wa Zambi 1970

⁶ Yesu yalishimwoka mumu kaafulielele ko. Yesu yendangana mu membo eswe akujingilika ni kulongesa.

Marku 6:6 Iomraidhean Croise

Izaya 59:16

Yamona, mutu wakuhi, yakomoka kukushi hako. Mba kwoko lienyi mwene yilimunehena kukumba; ululi wenyi yiumujikijisa.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 8:10

Muze Yesu achivwile, wakomokene, mba wambile kuli waze akawile ngwenyi, Pundu, ngunambe kuli yenu ngwami, Chawanyine Ufulielo upwa haha, chipwe mu Izalele, ka.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Marku 1:39

Iye wanjilile mu masunangonga jo mu Ngalileya mweswe, nikwambujola nikutuhwisa andemoniu.

Marku 10:1

Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Luka 13:22

Iye wapalikile ndusu limbo ni limbo ni chihunda ni chihunda, nikulongesa, nikuya mu wenyi ku Yerusaleme.

Luka 4:31

Iye wapalumukine ku Kafwanaume, limbo lia mu Ngalileya, waalongesele ha masambata.

Luka 4:44

Iye wapwile nikwambujola mu masunangonga a mu Ngalileya.

Yoano 9:30

Mwe mutu waakumbulwile ngwenyi, Kuma, chino chikomokeso, kunwanyingikine kuze anakatuka, hindu kalawisanga meso jami.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.