Marku 6:46 - MUKANDA USANDU WA ZAMBI 1975

⁴⁶ Ni muze te hashika no, wayile ku mulundu mukulemba.

Mukanda Wa Zambi 1970

⁴⁶ Muze haashika, yakanduka ha mulundu mu kulemba.

Marku 6:46 Iomraidhean Croise

Mateu 14:23

Muze hashika ni mbunga, wakandukile ha mulundu ukawenyi mukulemba, mba muze hapwile chingoloshi, wapwile ukawenyi.

Mateu 6:6

Alioze yena muze mulemba, njila mu chipatulo che cha muchima, ni muze hiwájila pito lie, ukalembe kuli Tatenu yoze uli ku tenga, ni Tatenu yoze wakumona ku tenga, kumakakukundulula.

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Marku 6:47

Muze hapwile chingoloshi, ulungu wapwile mukachi ka Chitende, neye wapwile ukawenyi hashi.

Luka 6:12

Ha matangwa aze wayile ku mulundu mukulemba; iye wahwishile ufuku weswe nikulemba kuli Zambi.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

Yilinga 18:21

alioze washikile no, ngwenyi, Changutamba kuhichika yuma yeswe ngukapwe ku chiwanyino chize muchizaho ku Yerusaleme; alioze kumungukahiluka kuli yenu kachi Zambi mapala, iye wakatukile ku Efwesu nikwenda mu ulungu.

2 Korintu 2:13

chapwile ni uhwimino mu spiritu yami, mumu chawanyine ndumbwami Titu: alioze nikushika no, nakatukile, ngukaye ku Masendoniya.

1 Petulu 2:21

Mumu ku chino hananutambika: mumu Kristu nawa wanuvwilile lamba, nikunuhichikila cheseko, hanga nukakaule mu ngano jenyi.