Marku 6:41 - MUKANDA USANDU WA ZAMBI 1975

⁴¹ Iye wanjile mbolo jitano ni yishi aali, nikuhetula meso jenyi kwilu, wawahishile, wapalwile mbolo, wajihanyine kuli tumbaji twenyi, hanga ajitumbike kumeso jo; ni yishi aali wanyine hakachi ka eswe.

Mukanda Wa Zambi 1970

⁴¹ Yesu yanda mbolo jitano ni yishi aali, yatala kwilu, yasakwila, mba yabalula mbolo, yajihana kuli tumbaji ajanyine e atu. Yaanyina nawa yishi aali, ayo eswe.

Marku 6:41 Iomraidhean Croise

Mateu 14:19

Wambile mbunga atwame ha mwambu, wanjile mbolo jitano ni yishi aali, nikuhetula meso jenyi kwilu, wawahishile mbolo, wajipalwile, wajihanyine kuli tumbaji, mba tumbaji ajihanyine ku mbunga.

Mateu 15:36

wanjile mbolo shimbiali ni e yishi; wasakwilile, wajipalwile, wajihanyine kuli tumbaji twenyi, ni tumbaji twenyi ajihanyine ku mbunga.

Mateu 26:26

Shimbu machilia, Yesu wanjile mbolo, wayiwahishile, wayipalwile; wahanyine kuli tumbaji twenyi, ngwenyi, Wenu, nulie; mbolo yino mujimba wami.

Marku 14:22

Shimbu machilia, Yesu wanjile mbolo, ni muze te hawahisa, wayipalwile, waaheleyo, nikwamba ngwenyi, Wenu, nulie: yino mujimba wami.

Marku 6:40

O atwamine ni mikana ya kulakaji ni mikana ya makumi atano.

Marku 6:42

O eswe alile, nikukuta.

Marku 7:34

nikuhetula meso jenyi kwilu, watwile mikuma, yamba kuli iye ngwenyi, Efwata, chinalumbunuka ngwo, Jikuka.

Marku 8:19

Muze napalwile mbolo jitano hakachi ka tununu atano, yipakili yingahi ya tò ya yipalupalu nwanjile? O yamba kuli iye ngwo, Kumi ni yiali.

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Luka 9:16

Iye wanjile mbolo jitano ni yishi aali, nikuhetula meso kwilu, wajiwahishile, wajipalwile, wajihanyine kuli tumbaji twenyi ajisele kumeso ja mbunga.

Yoano 11:41

Achijile kashika liwe; ni Yesu wahetwile meso jenyi kwilu, iye wambile ngwenyi, Tata, ngunakusakwila mumu wanguvwile.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 6:11

Yesu kashika wanjile mbolo; ni muze te hasakwila, wayipangilile kuli waze atwamine; ni tuyishi nawa chizechene, chize cheswe azangile.

Yoano 6:23

(Alioze mato akwo akatukile ku Taipiria, ahetele hakamwihi no homa haze alilile mbolo, muze te Mwene hasakwila):

Yilinga 27:35

Muze te hamba yino yuma, yanda mbolo, yasakwila kuli Zambi kumeso ja eswe; yayipatula, yaputuka kulia.

A-ROMA 14:6

Yoze malemesa tangwa, malilemesa kuli mwe Mwene; ni yoze malia, malia kuli mwe Mwene, mumu masakwila kuli Zambi; ni yoze keshi kulia, kuli mwe Mwene keshi kulia, masakwila kuli Zambi.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

Shimbi 8:10

Munukalia ni kukuta, nukawahise Yehova Zambi yenu mumu ha chifuchi chipema iye hananwehecho.

Kolosu 3:17

Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

1 Samuel 9:13

Ha kuheta mu chihunda munumuwana lume shimbu kanda achikanduka ku nangamo mukulia, mumu atu kechi kulia ndo meza, se iye kakuwahisa chitapo mba waze hanaalakenya malia. Kashika yénu, mumu ola yino yene munumuwana.