Marku 6:37 - MUKANDA USANDU WA ZAMBI 1975

³⁷ Alioze waakumbulwile, ngwenyi, Ahenu kulia. O yamba kuli iye ngwo, Tuye, tukalande mbolo ya kufwika kulakaji aali a mbongo, tukaahe kulia, nyi?

Mukanda Wa Zambi 1970

³⁷ Yesu ngwenyi: “Ahenu yenwene yakulia.” No yaamuhula ngwo: “Tuye tulande mbolo ja kufwika kulakaji jaali ja mbongo tukaahe yakulia, nyi?”

Marku 6:37 Iomraidhean Croise

1 MIANANGANA 7:2

Henaho kapitau yoze mwanangana wajaminyine ha kwoko lienyi yakumbulula kuli mutu wa Zambi ngwenyi, Chipwe Yehova masa manjanela mwilu muchihasa kupwa chocho? Elisha ngwenyi, Kumukachimona ni meso je, alioze kuchi kalia.

Kwalula 11:13

Kulihi munguwana yifwo nguhane kuli wano atu eswe? Mumu kanalili kuli yami ngwo, Twehe yifwo tulie.

Mateu 14:16

Alioze Yesu wambile kuli ayo ngwenyi, Kuchaatambile kuya; ahenu kulia.

Mateu 18:28

Alioze yoze ndungo ha kutuhuka, wawanyine umwe ndungo-ni-mukwo, yoze wapwile ni kongo kuli iye lia kulakaji lia mbongo: wamukwachile, wamwokele ku muliwu, ngwenyi, Ngufwete kongo liami.

Marku 6:36

Shikenu no, hanga aye ku minda ni ku yihunda ya kujingilika, akalianjile mbolo, mumu keshi nichimwe cha kulia.

Marku 6:38

Iye yamba kuli ayo ngwenyi, Mbolo jingahi nuli najo? Yénu, nutale. Muze anyingikine, yamba ngwo, Jitano, ni yishi aali.

Luka 7:41

Ngwenyi, Umwe mukwa kuhana mikuli wapwile ni akwa mikuli aali; umwe wapwile ni kongo lia kulakaji atano a mbongo, ni mukwo makumi atano.

Luka 9:13

Iye wambile kuli ayo ngwenyi, Ahenu, alie. O ambile ngwo, Kutushi nacho, shina mbolo jitano ni yishi aali; shina mutuya tukalanjile wano atu eswe kulia.