Marku 6:34 - MUKANDA USANDU WA ZAMBI 1975

³⁴ Iye watuhukile, wamwene mbunga yinene, iye waavwilile keke, mumu apwile ngwe mapanga waze keshi kafunga: iye waputukile kwalongesa yuma yinji.

Mukanda Wa Zambi 1970

³⁴ Muze te anatuhuka mu wato, Yesu yamona mbunga yize yinene. Yeevwila keke mumu abwile ngwe mapanga waze keeshi kafunga, mba yabutuka kwalongesa yuma yinji.

Marku 6:34 Iomraidhean Croise

1 Yitanga Ya Mianangana 22:17

Mba yamba ngwenyi, Namwene A-Izalele anamwangana ha milundu ngwe mapanga keshi kafunga. Mba Yehova yamba ngwenyi, Wano keshi ni mwenyo, akahiluke mutu mweswe ku zuwo lienyi ni sambukila.

2 Sango Ja Mianangana 18:16

Profeta yamba ngwenyi. Namwene A-Izalele eswe anamwangana ha milundu ngwe mapanga waze keshi kafunga. Mba Yehova yamba ngwenyi, Wano keshi kakó; aye mutu mweswe ku zuwo lienyi ni sambukila.

Izaya 13:14

Mutu mweswe makatalikisa kuli atu jenyi mwene, mutu mweswe makachinyina ku chifuchi chenyi mwene, ngwe kai yoze anamuhange, ngwe mapanga keshi ni akwa kwakungulula.

Jeremia 50:6

Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Ezekiel 34:5

Kashika kanamwangana mumu kafunga wakuhi, mba hanalumuka kulia cha tushitu eswe asasu.

Zakaria 10:2

Mumu terafimi hanahanjika chize kuchalumbunukine; tahi hanamono mahuza; akwa yilota kanaula yilota ya kwonga, nikulembejeka chamokomoko. Kashika atu anendangana ngwe mapanga; kanapinji mumu ha kuhona kafunga.

Kwalula 27:17

akapwe nikutuhwoka kulutwe lio, akapwe nikunjilanjila kulutwe lio, akapwe nikwatwala haze, akapwe nikwanjisa, kuchina chikungulwila cha Yehova muchipwa ngwe mapanga keshi kafunga.

Mateu 14:14

Yesu ha kutuhuka wamwene mbunga yinene, yaavwila keke, yawuka mieji jo.

Mateu 15:32

Yesu watambikile tumbaji twenyi kuli iye, ngwenyi, Mbunga ya atu keke ngunaavwila, mumu kanashimbula hamwe ni yami matangwa atatu kulu, keshi nichimwe cha kulia: mba chazangile kushika no ni zala, kuchina hanji malezumuka mu jila.

Mateu 9:36

Alioze muze amwene mbunga, waavwilile keke, mumu alikatalishile nikulimbilambila ngwe mapanga waze keshi kafunga.

Marku 6:33

Atu aamwene kukatuka, ni anji nanyingikine, o akatukile ku membo eswe, azombokeleleko hashi, ahangile kuheta, mba akungamine kuli iye.

Marku 6:35

Muze te tangwa hiliendala chikolo, tumbaji twenyi ejile kuli iye, ambile ngwo, Homa hano ha puya, ni tangwa hiliendala chikolo.

Marku 8:1

Ha matangwa aze muze kwapwile cheka nawa mbunga yinene, se kapwile nacho nichimwe cha kulia, watambikile tumbaji twenyi kuli iye, yamba kuli ayo ngwenyi,

Marku 8:2

Mbunga yino, ngunaavwila keke, mumu kanashimbula hamwe ni yami matangwa atatu kulu, keshi nichimwe cha kulia:

Luka 9:11

Alioze mbunga ha kuchinyingika, amukawile. Iye waatambwile kanawa, wahanjikile kuli ayo ha kutwala ku wanangana wa Zambi, wawukile waze ayijile.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.