Marku 6:21 - MUKANDA USANDU WA ZAMBI 1975

²¹ Mba muze tangwa lipema liahetele, Heronde ha tangwa lia kusemuka chenyi walulikile chiteleka hali yilolo jenyi, ni hali mahando, ni akwa lutwe a mu Ngalileya.

Mukanda Wa Zambi 1970

²¹ Alioze tangwa lia mihalo ya Herodia yiliheta. Herode yalulika chiwanyino cha tangwa lia kusemuka chenyi, yatambika akwa lufuma a mu wanangana wenyi, ni miata a jita, ni atu a lufuma a mu Galilea.

Marku 6:21 Iomraidhean Croise

Ubutukilo 27:41

Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba.

Ubutukilo 40:20

Chapwile ha tangwa liamuchitatu, lienalio lia kwiwuluka kusemuka cha Falau, iye walingile chiteleka kuli ngamba jenyi eswe. Yahetula mutwe wa kapatashi ka akwa misenge ni wa kapatashi ka akwa kulinga mbolo hakachi ka ngamba jenyi.

Estere 2:18

Henaho mwanangana walingile chiteleka chinene kuli alemu jenyi eswe ni tuvumbi twenyi—chiteleka cha Estere. Yasela utuswilo mu yifuchi ni kuhana yawana nikulita ni vumbi lia mwanangana.

Estere 3:7

Ha kakweji mutangu, (Nisane) ha mwaka kumi ni wamuchiali wa mwanangana Ahashueru, apwile ni kutaha ngombo ya Puru kumeso ja Hamane tangwa ha tangwa, kakweji ha kakweji, ndo ha kakweji kumi ni wamuchiali (Adare).

Hosea 7:5

Ha tangwa lia mwanangana wetu alemu ayijile ni chivukuminya cha vinyu. Wazozele kwoko lienyi hamwe ni akwa kulenya.

Luka 3:1

Achi, ha mwaka kumi ni wamuchitano wa kuyula cha Tiperiu Sesare, Ponteu Pilatu te achili nguvulu munene ya Yundeya, ni Heronde nguvulu ya Ngalileya, ni mwanakwo Fwilipe nguvulu ya Itureya ni ya chifuchi cha Trakonite, ni Lisane nguvulu ya Apiliniya,

Yilinga 25:23

Kashika, muze hikwacha ni Akripa ahetele, ni Mberenise, ni uhenya unene, anjilile mu zuwo lia kuvwila, hamwe ni manjolo ni akwa lutwe ja limbo, Fesetu wambile, anehe Paulu.

1 Petulu 4:3

Mumu kunahu hali yenu miaka yize yapalika kulinga upale wa akwa mavungu, nikwenda mu ujila, ni usolo, ni kunwa vinyu, ni chimbangwinya, ni kunwanwa walwa, ni kukombelela cha kuzelwokesa.

Usolwelo 11:10

Akwa hashi yawahilila hali ayo, yasehejela; makatumisa yawana umwe kuli mukwo ni mukwo: mumu wano aprofeta aali amwesene lamba akwa hashi.