Marku 6:20 - MUKANDA USANDU WA ZAMBI 1975

²⁰ Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Mukanda Wa Zambi 1970

²⁰ mumu Herode yevwila Yoano woma, yanyingika ngwenyi, kali mukwa ululi kanda munangi. Kashika, yamufunga kanawa. Herode yakakashana kuhiana muze amuvwile, alioze yawahilila kumwivwa.

Marku 6:20 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 MIANANGANA 13:14

Achi Elisha te kanayiji ni musongo uze wafwile nawo, mba Njoashe mwanangana wa Izalele yeza kuli iye, yalila hali iye, yamba ngwenyi, Tata! Tata! Matemba ja Izalele ni akwa tuvwalu jo!

1 MIANANGANA 6:21

Mba muze mwanangana wa Izalele haamona yamba kuli Elisha ngwenyi, Ngualambe tata? Ngualambe nyi?

2 Sango Ja Mianangana 24:2

Njoashe walingile chipema kumeso ja Yehova matangwa eswe a sasendote Jehoiada.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Kutuhuka 11:3

E atu apemenene A-Engitu ni vumbi kuli Yehova. Chikwo nawa, mwe lunga Mose yapwa mutu munene chikolo mu chifuchi cha Engitu ni kumeso ja ngamba ja Falau ni kumeso ja e atu.

Ezekiel 33:32

Ni yena kuwapwa kuli ayo ngwe umwe mukwa kwimba miaso ya zango ni liji lipema, nikwimba kanawa ha chisaji, mumu kwivwa kakwivwa chize muwamba, alioze kulinga kechi kuchilinga.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Daniel 5:17

Daniel yakumbulula kumeso ja mwanangana ngwenyi, Yawana yenu yitwame kuli yenwene, ni kwononona chenu achihane kuli mweka, hindu mungutangila mwanangana je sona ni kunulweza ulumbunwiso wajo.

Mateu 14:5

Muze azangile kumushiha, wevwile woma wa mbunga, mumu amumwene profeta.

Mateu 21:26

Alioze kachi mutwamba ngwetu, Kuli atu; tunevu woma wa mbunga; mumu eswe kakumona Yoano ngwe profeta.

Marku 11:18

Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Marku 4:16

Waze chizechene maakuwa homa ha mawe, waze, muze te hevwa lie liji, haze hene malitambula ni uwahililo.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yilinga 2:12

O eswe, alishikishilile nikukakashana chikolo, nikuliamba umwe kuli mukwo ni mukwo ngwo, Kuchi chinalumbunuka?

Yilinga 5:24

Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa.