Marku 6:14 - MUKANDA USANDU WA ZAMBI 1975

¹⁴ Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Mukanda Wa Zambi 1970

¹⁴ Mwanangana Herode yevwa lufuma wa Yesu, mumu jina lienyi yilifumana. Amwe atu yaambamba ngwo: “Yoano Chipapachisa hahinduka ku kufwa. Kashika kali ni ndundo ja kulinga yikomokeso yino.”

Marku 6:14 Iomraidhean Croise

2 Sango Ja Mianangana 26:15

Yatunga mu Yerusaleme makina ja kunyonga kuli akwa mana anji, akaase ha tuposhi ni ha yipanga akakonge no mivu ni mawe anene. Jina lienyi liafumanyine kusuku, mumu amukwashile chikolo ndo hatakama.

2 Sango Ja Mianangana 26:8

A-Amone yaneha milambu kuli Uzia, ni jina lienyi liafumanyine ndo ku unjililo wa Engitu, mumu wapwile mukwa tachi kuhiana.

Mateu 9:31

Alioze atuhukile, afumanyishine lufuma wenyi mu chifuchi chize cheswe.

Marku 1:28

Haze hene lufuma wenyi wafumanyine kweswe ku chifuchi cheswe cha kujingilika Ngalileya.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 8:28

Amwambulwilile ngwo, Yoano Chipapachisa; akwo ngwo, Eliya; alioze akwo ngwo, Umwe wa kuli aprofeta.

Luka 13:31

Ha ola yenayo amwe A-Fwariseu ejile nikwamba kuli iye ngwo, Katuka kuno, yako, Heronde kanazange kukushiha.

Luka 3:1

Achi, ha mwaka kumi ni wamuchitano wa kuyula cha Tiperiu Sesare, Ponteu Pilatu te achili nguvulu munene ya Yundeya, ni Heronde nguvulu ya Ngalileya, ni mwanakwo Fwilipe nguvulu ya Itureya ni ya chifuchi cha Trakonite, ni Lisane nguvulu ya Apiliniya,

Luka 7:17

Ni liji lino lia kutwala kuli iye liamwanganyine mu Yundeya mweswe, ni mu chifuchi cheswe cha kujingilika.

Luka 9:19

O amukumbulwile ngwo, Yoano Chipapachisa; ahoze akwo ngwo, Eliya; ni akwo ngwo, Umwe wa kuli aprofeta a shakulu hanahinduka.

1 Tesalonika 1:8

Mumu kuli yenu liji lia Mwene hiliahiohia, hi mu Masendoniya ni Akeya wika ko, alioze nawa mu yifuchi yeswe Ufulielo wenu kuli Zambi hiunafumana; chocho kuchatutambile yetu kwamba nichimwe.

Hebreu 2:4

Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.