Marku 6:12 - MUKANDA USANDU WA ZAMBI 1975

¹² O atuhukile, ambujolele ngwo, Atu alikonyeke.

Mukanda Wa Zambi 1970

¹² No yaatuhuka, yambujola ngwo, atu alumuke ku mbunge.

Marku 6:12 Iomraidhean Croise

Ezekiel 18:30

Kashika Mwene Yehova kanambe ngwenyi, Mungunupatwila, enu akwa munyachi wa Izalele, mutu mweswe nikulita ni ndako jenyi. Likonyekenu nukahichike Utanguko wenu weswe kuchina uhenge wenu muukanwonwona.

Mateu 11:1

Muze te Yesu hamanununa kuhana shimbi kuli tumbaji twenyi kumi ni aali, wakatukile kuze mukulongesa nikwambujola mu membo jo.

Mateu 11:20

Hohene waputukile kwámbila membo kuze alingile yipupu yenyi yinji, mumu kalikonyekeneko.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 3:8

Imenu kashika mihuko ya kutela kulikonyeka:

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Marku 1:15

Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.

Marku 1:3

Liji lia yoze wakukololoka mu puya, Ngwo, Lulikenu jila ya Mwene, Lulamisenu yikoka yenyi;

Luka 11:32

Malunga a ku Ninive kumakahinduka ha upatwilo hamwe ni chisemuko chino, makachihisa: mumu alikonyekene ha kwambujola cha Yona; kumanyi, umwe Wahiana Yona kuno kwali.

Luka 13:3

Ngwami, Ka, alioze yenu eswe kumunukatoka chizechene nyi kunwalikonyekene.

Luka 13:5

Ngwami, Ka; alioze yenu eswe kumunukatoka chizechene nyi kunwalikonyekene.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Luka 15:7

Ngwami, Chizechene uwahililo unene kumuukapwa mwilu hali chivulumunyi umuwika yoze malikonyeka kuhiana uze ha makumi livwa a akwa ululi ni akwa ululi livwa, waze kuchaatambile kulikonyeka.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Luka 9:6

O akatukile, apalikile ndusu mu yihunda, nikwambujola sango lipema, nikuwuka kweswe.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;