Marku 6:11 - MUKANDA USANDU WA ZAMBI 1975

¹¹ Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Mukanda Wa Zambi 1970

¹¹ Nyi atu a kuma kuze keechi kanatambula hanji kunwivwa, katukenu ko ni kukukumuna fufuta ya ku molu jenu ha kwatoweza.”

Marku 6:11 Iomraidhean Croise

Nehemia 5:13

Yingusakumuna hina liami nikwamba ngwami, Chocho Zambi asakumwine ku zuwo lienyi, ni ku milimo yenyi mutu mweswe yoze kalingile nikulita ni chilakenyo chino; chocho amusakumwine ni kumumwanga. Ni akwa chikungulwila eswe yamba ngwo, Amene, ni kuhalisa Yehova. Mba atu yalinga nikulita ni chilakenyo chino.

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.

Marku 6:10

Iye wambile kuli ayo ngwenyi, Mweswamo mununjila mu zuwo, muze mwene nukatwame ndo munukatuka kuze.

Luka 9:5

Waze eswe kechi kanutambula, muze munukatuka ku limbo lize, nukakukumwine fufuta ku yiliato yenu chikapwe Shindakenyo hali ayo.

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

A-ROMA 2:16

ha tangwa lize muze Zambi makapatula yuma ya kuhengama ya atu, nikulita ni sango lipema lia yami, kuli Yesu Kristu.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

1 Yoano 4:17

Muno zango linapu lingunu ni yetu, hanga tukapwe ni hamu ha tangwa lia upatwilo; mumu ngwe chize apwa iye, chizechene ni yetu nawa twapwa hano hashi.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.