Marku 5:42 - MUKANDA USANDU WA ZAMBI 1975

⁴² Haze hene mwe mwana-pwo wahindukile, wendele; mumu wapwile ni kumi lia miaka ni miaka yiali. O alishikishilile haze hene ni kulishikishila chinene.

Mukanda Wa Zambi 1970

⁴² Hazehene mwana pwo yahinduka, yenda (te habwa ni miaka kumi ni yaali). Muze atu hachimona yaalishimwoka kuhiana!

Marku 5:42 Iomraidhean Croise

Marku 1:27

Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Marku 4:41

O evwile woma wunji, aliambile umwe kuli mukwo ni mukwo ngwo, Iya kevwe yono, chipwe fuji ni meya mamwononokena?

Marku 5:41

Iye wakwachile mwana-pwo ku kwoko, yamba kuli iye ngwenyi, Talita kumi; chinalumbunuka, Mwana-pwo, ngunambe kuli yena ngwami, Hinduka.

Marku 5:43

Iye waakanjishile chikolo ngwenyi, Niumwe kanda akachinyingika; iye wambile amwehe chimwe cha kulia.

Marku 6:51

Iye wakandukile kuli ayo, wanjilile mu ulungu; ni fuji yaholele: no alishikishilile chikolo mu mbunge jo;

Marku 7:37

Mba alishimwokene kuhiana chikolo, ngwo, Hanalingi kanawa yuma yeswe, kakuvwisa chipwe afwa-matwi, kakuhanjikisa tumama.