Marku 5:36 - MUKANDA USANDU WA ZAMBI 1975

³⁶ Alioze Yesu ha kwivwa liji lize ahanjikile, yamba kuli mukwa kuyula sunangonga ngwenyi, Kanda wivwa woma, fuliela.

Mukanda Wa Zambi 1970

³⁶ Alioze Yesu, muze hevwa liji lize, yambila mukwa kuyula ngwenyi: “Kanda wivwa woma, fuliela lume.”

Marku 5:36 Iomraidhean Croise

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 9:18

Shimbu machihanjika yino yuma kuli ayo, mukwa kuyula wejile, wamuwayilile, ngwenyi, Mwanami wa pwo haliapwila lume hafwa, alioze tweya kama, ukasayike kwoko lie hali iye, mba kumapwa ni mwono.

Marku 5:22

Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Marku 5:34

Iye wambile kuli pwo ngwenyi, Mwanami, Ufulielo we hiwakupwisa mungunu, uye kanawa ukahinduke ku upupilo we.

Marku 9:23

Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela.

Luka 8:50

Alioze Yesu ha kuchivwa, wamukumbulwile ngwenyi, Kanda wivwa woma; fuliela lume, iye kumakamupwisa mungunu.

Yoano 11:40

Yesu yamba kuli iye ngwenyi, Chambile kuli yena ngwami, Kachi mufuliela kachi mumona uhenya wa Zambi, nyi?