Marku 5:35 - MUKANDA USANDU WA ZAMBI 1975

³⁵ Shimbu achili nikuhanjika, amwe a ku zuwo lia mukwa kuyula sunangonga yeza, yamba ngwo, Mwané hafwa, kuchi te mukatalisa Longeshi nawa?

Mukanda Wa Zambi 1970

³⁵ Shimbu te Yesu machihanjika, tunganda yeeza a ku zuwo lia mukwa kuyula, Jairu, nikwamba ngwo: “Mwane hafwa. Kuchi mba unaketeka nawa Longeshi?”

Marku 5:35 Iomraidhean Croise

Mateu 26:10

Alioze Yesu ha kuchinyingika, wambile kuli ayo ngwenyi, Kuchi te nunapikalisa pwo? Mumu halinga chitanga chipema hali yami.

Mateu 26:18

Aye ngwenyi, Yénu kwimbo kuli Sanganji, ngwenu, Longeshi kanambe ngwenyi, Mwaka wami uli hakamwihi, mungufunga Chizomboka mu zuwo lie hamwe ni tumbaji twami.

Mateu 9:18

Shimbu machihanjika yino yuma kuli ayo, mukwa kuyula wejile, wamuwayilile, ngwenyi, Mwanami wa pwo haliapwila lume hafwa, alioze tweya kama, ukasayike kwoko lie hali iye, mba kumapwa ni mwono.

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Marku 5:22

Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Luka 8:49

Shimbu te achili nikuhanjika, umwe wa ku zuwo lia mukwa kuyula sunangonga yeza, nikwamba kuli iye ngwenyi, Mwané hafwa, kanda ukatalisa Longeshi nawa.

Yoano 11:21

Marta kashika wambile kuli Yesu ngwenyi, Mwene, kachi yena unakapwa kama kuno, kachi ndumbwami kafwile.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Yoano 11:28

Muze te hamba chocho, wayile, watambikile mwanakwo Maria ku tenga, ngwenyi, Longeshi heza, kanakutambika.

Yoano 11:32

Maria kashika ejile kuze apwile Yesu, muze hamumona, wafulamanyine ku yiliato yenyi, nikwamba kuli iye ngwenyi, Mwene, kachi yena unakapwa kama kuno, kachi ndumbwami kafwile.

Yoano 11:39

Yesu yamba ngwenyi, Chizenu liwe. Marta, ndumbu wa mufu, yamba ngwenyi, Mwene, kanakupuka kulu; mumu matangwa awana hapalika.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.