Marku 5:22 - MUKANDA USANDU WA ZAMBI 1975

²² Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Mukanda Wa Zambi 1970

²² Hohene umwe mukwa kuyula wa zuwo lia kuwayila lia Ayuda yeza, jina lienyi Jairu muze hamona Yesu, yafulamana ku molu jenyi.

Marku 5:22 Iomraidhean Croise

Mateu 2:11

No anjilile mu zuwo, amwene mwe mwana hamwe ni naye Maria; afulamanyine nikumuwayila, no nikupakula upite wo, amulambwile yawana ya oru ni libano ni mira.

Marku 5:33

Alioze pwo wakundamine nikwivwa woma, nikuchikima, nikunyingika chize halinga muli iye, wafulamanyine kumeso jenyi, wamwambulwilile umwenemwene weswe.

Marku 5:38

O yeza ku zuwo lia mukwa kuyula sunangonga; iye yamona kupinda, ni atu nikulila nikutetwoka chikolo.

Luka 13:14

Alioze mukwa kuyula sunangonga te kanevu kupiha, mumu Yesu wawukile ha tangwa lia Sambata, wakumbulwile ku mbunga ngwenyi, Kwali matangwa asambano a milimo, kashika nwize ha matangwa aze anuwuke, hi ha Sambata ko.

Luka 5:8

Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Luka 8:28

Muze amwene Yesu wakololokele nikufulamana kumeso jenyi, iye ni liji linene wambile ngwenyi, Kuchi yami ni yena, Yesu mwe Mwana wa Zambi Chitunda? Ngunaliumbu kuli yena ngwami, Kanda ungupinjisa kama.

Yilinga 13:15

Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 18:17

O eswe akwachile Sosetene, mukwa kuyula sunangonga, amulambile kulutwe lia chitwamo cha upatwilo, ni Ngaliu kasele mbunge ha nichimwe cha ku yino yuma.

Yilinga 18:8

Alioze Krisepu, mukwa kuyula sunangonga, wafulielele Mwene, ni akwa zuwo lienyi eswe; ni anji a kuli A-Korindu, ha kwivwa, yafuliela, yaapapachisa.

Usolwelo 22:8

Ni yami Yoano nevwile, namwene yino yuma. Mba muze nevwile, namwene, nafulamanyine hanga nguwayile ku molu ja mungelo yoze wangulwezele yino yuma.