Marku 4:7 - MUKANDA USANDU WA ZAMBI 1975

⁷ Yikwo yaholokelele hakachi ka mingonga, ni mingonga yatatukile, yayikeketeseto, kuyemine mbuto.

Mukanda Wa Zambi 1970

⁷ Mbuto yikwo yiiholokela mukachi ka mingonga. Ye mingonga yiitatuka, yiikeketesa yibuta, kuyemine ko mihuko.

Marku 4:7 Iomraidhean Croise

Jeremia 4:3

Mumu Yehova kanambe kuli malunga ja Yunda ni akwa Yerusaleme ngwenyi, Chipula mavu aze kunwalimine, kanda nukuwa mbuto hakachi ka mbimbo.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 13:7

Yikwo yaholokelele ha mingonga; ni mingonga yatatukile, yayikeketesele.

Mateu 13:8

Ni yikwo yaholokelele ha mavu apema, yemine mbuto, yimwe kulakaji, yikwo makumi asambano, yikwo makumi atatu.

Marku 4:6

muze tangwa liavumbukile, yapapiwile; se kuyapwile ni miji, yomine.

Marku 4:8

Yikwo yaholokelele ha mavu apema, yemine mbuto, nikusoka, nikutatuka; yemine, yimwe makumi atatu, ni yikwo makumi asambano, ni yikwo kulakaji.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

Luka 8:7

Yikwo yaholokelele mukachi ka mingonga; ni mingonga yasokele kumuwika nayo, yayikeketesele.