Marku 4:31 - MUKANDA USANDU WA ZAMBI 1975

³¹ Ngwe lunona wa mosetate, yoze, muze mamukuwa hashi, makeha kuhiana mbuto jeswe jili hashi.

Mukanda Wa Zambi 1970

³¹ Kuwalifwa ngwe chino. Umwe mutu kanande lunona wa chimwe chibuta, mostarde. Muze akumutumba kali mukepe Wahiana nona jeswe ja hashi.

Marku 4:31 Iomraidhean Croise

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Izaya 60:22

Mulelu Wahiana kumakapwa munyachi, mukepe wahiana kumakapwa vungu lia ndundo. Yami nguli Yehova, mungutambwisa chuma chino ha mwaka wacho.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Marku 4:30

Iye wambile ngwenyi, Ngwe chika mutupwisa wanangana wa Zambi? Hanji ni chishima chika mutuutesa?

Marku 4:32

Alioze muze hamukuwa, matatuka, mapwa munene Wahiana yiputa yeswe, matangala mitango yinene; chocho tujila a mwilu mahasa kutwama mu Chizulie chawo.

Luka 17:6

Mwene wambile ngwenyi, Kachi munupwa ni Ufulielo ngwe lunona wa mosetate; kachi munwamba ku musuwa uno ngwenu, Tangumuka, ulitumbe mu kalunga-lwiji; kumuunwononokena.

Yilinga 19:20

Chocho ni ndundo liji lia Mwene liafumanyine, liakanganyine.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 21:20

O muze achivwile, achichimiekene Zambi; ambile kuli iye ngwo, Unamono, ndumbu, ngwe yizavu yipwa haha kuyili ya A-Yunda waze hanafuliela; ni eswe kakusela mbunge jo ku shimbi:

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 5:14

ni akwa kufuliela, yizavu ya malunga ni mapwo, aawezele kuli Mwene:

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.