Marku 4:3 - MUKANDA USANDU WA ZAMBI 1975

³ Ivwenu; chikuwa watuhukile mukukuwa:

Mukanda Wa Zambi 1970

³ “Achivwenu! Umwe mutu watuhukile mu kukuwa.

Marku 4:3 Iomraidhean Croise

Miaso (Masamu) 34:11

Enu ana tweyenu nungwivwe, mba mungunulongesa woma wa Yehova.

Miaso (Masamu) 45:10

Panjika, yena mwana wa pwo, ukatale, ukahetamise twitwi lie. Vulama atu je ni zuwo lia tatenu.

Yishima 7:24

Kashika, ana jami, ngwivwenu. Panjikenu ku maliji a mu kanwa liami.

Yishima 8:32

Mba haliapwila, ana jami a malunga, ngwivwenu, mumu kawaha waze akuya mu majila jami.

Longeshi 11:6

Kuwa mbuto ye ha chimene, ni ha chingoloshi kanda ulitwamina, mumu kwanyingikine yize muyiwaha, shina yize nyi shina yino, hanji jeswe ni jiali mujipema chimuwika.

Izaya 46:12

Panjikenu kuli yami, enu akwa mbunge ja pami, enu nuli kusuku ni ululi.

Izaya 46:3

Enu akwa munyachi wa Yakomba, eswe nwalisalaho ku munyachi wa Izalele, panjikenu kuli yami. Hinanumbata chize ku kusemuka chenu, hinanuzundula chize ku jimo.

Mateu 13:24

Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mateu 13:26

Alioze muze mafwo asokele, emine mbuto, hohene mwambu wamokomoko wasolokele nawa.

Mateu 13:3

Wahanjikile kuli ayo yuma yinji ni yishima ngwenyi, Ivwenu, chikuwa watuhukile mukukuwa;

Marku 4:14

Chikuwa makuwa lie liji.

Marku 4:2

Iye waalongesele yuma yinji ni yishima. Wambile kuli ayo mu longeso lienyi ngwenyi,

Marku 4:23

Kachi umwe uli ni matwi a kwivwa, evwe.

Marku 4:4

ni shimbu akuwile, yimwe yaholokelele ku sesa lia jila, ni tujila a mwilu ejile, ayitakishile.

Marku 4:9

Iye wambile ngwenyi, Yoze uli ni matwi a kwivwa, evwe.

Yilinga 2:14

Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 2:29

Yoze uli ni matwi, evwe chize anambe Spiritu ku yikungulwila.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.