Marku 4:28 - MUKANDA USANDU WA ZAMBI 1975

²⁸ Mumu hashi kuhakwima mbuto yaho hene, hatangu mafwo, kulutwe lia chize mutwe, kulutwe lia chize lunona mwa tò ha mutwe.

Mukanda Wa Zambi 1970

²⁸ Mavu kaakusokesa mihuko ayo ene: hatangu mafwo, muyibwa muze mukungo, mba kukola cha mbuto ha mukungo.

Marku 4:28 Iomraidhean Croise

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Longeshi 3:1

Chuma cheswe kangonde kacho Chikwete, ni chikuma cheswe kushi lia malilu chili ni tangwa liacho:

Longeshi 3:11

Aye hanalingi chuma cheswe chipema ha tangwa liacho; chikwo nawa hanase ye miaka yeswe mu mbunge jo chocho mutu kahashile kusa chinyingi milimo yize Zambi hanalingi chize ku uputukilo ndo ku songo.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Mateu 13:26

Alioze muze mafwo asokele, emine mbuto, hohene mwambu wamokomoko wasolokele nawa.

Marku 4:27

mba maya tulo, mahinduka ufuku ni mwalwa, ni mbuto muyisoka, nikusuha, kanyingikine ngwe chize yakutatuka.

Marku 4:29

Alioze muze mbuto muyilila, hohene matumisa kwengo, mumu kucha hicheza.

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi: