Marku 4:26 - MUKANDA USANDU WA ZAMBI 1975

²⁶ Iye wambile ngwenyi, Chocho unapu wanangana wa Zambi, ngwe kachi mutu makuwa mbuto hashi;

Mukanda Wa Zambi 1970

²⁶ Yesu yamba nawa ngwenyi: “Wanangana wa Zambi walifwa ngwe chino. Umwe mutu unakuwu mbuto mu munda.

Marku 4:26 Iomraidhean Croise

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Longeshi 11:4

Yoze matala ku fuji kechi kukuwa mbuto; yoze matala ku malelwa kechi kucha.

Longeshi 11:6

Kuwa mbuto ye ha chimene, ni ha chingoloshi kanda ulitwamina, mumu kwanyingikine yize muyiwaha, shina yize nyi shina yino, hanji jeswe ni jiali mujipema chimuwika.

Izaya 32:20

Kawaha waze akukuwa mbuto ku meya eswo, waze kakutaviza molu ja ngombe ni chimbulu kwenda kweswako.

Mateu 13:11

Iye waakumbulwile, ngwenyi, Yenu hananwehecho kunyingika yijimbikilo ya wanangana wa malilu, alioze o kaahelecho.

Mateu 13:24

Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mateu 13:3

Wahanjikile kuli ayo yuma yinji ni yishima ngwenyi, Ivwenu, chikuwa watuhukile mukukuwa;

Mateu 13:31

Waatelele chishima chikwo ngwenyi, Wanangana wa malilu walifwa ngwe limona wa mosetate, yoze anjile mutu, akuwile mu munda wenyi.

Mateu 13:33

Waatelele chishima chikwo ngwenyi, Wanangana wa malilu kuunapu ngwe futunwiso, yize anjile pwo, aswekele mu njongo jitatu ja wunga, ndo wafutunukine weswe lukombo.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Marku 4:25

Mumu mweswe ukwete, kumakamwaha: ni yoze keshi nacho, chipwe chize ali nacho kumakamuchizacho.

Marku 4:27

mba maya tulo, mahinduka ufuku ni mwalwa, ni mbuto muyisoka, nikusuha, kanyingikine ngwe chize yakutatuka.

Luka 13:18

Iye wambile ngwenyi, Neka wanangana wa Zambi muulifwa? Ngwe chika munguupwisa?

Luka 8:11

Achi, chino we ulumbunwiso wa chishima ngwami, Mbuto, lie liji lia Zambi.

Luka 8:5

Chikuwa watuhukile mukukuwa mbuto yenyi: shimbu akuwile, yimwe yaholokelele ku sesa lia jila; ayiliachile kushi lia yiliato, ni tujila a mwilu ejile, ayitakishile.

Yoano 12:24

Pundu, pundu, ngunambe kuli yenu ngwami, Lunona wa tiliku matwama ukawenyi shina maholoka hashi, mafwa; alioze kachi mafwa, kachi mema mihuko yinji.

Tiangu (Jake) 3:18

Alioze kakukuwa mihuko ya ululi mu sambukila hali waze akulinga sambukila.