Marku 4:10 - MUKANDA USANDU WA ZAMBI 1975

¹⁰ Muze apwile ukawenyi, waze amujingilikile hamwe ni kumi ni aali, amuhulile ha kutwala ku yishima.

Mukanda Wa Zambi 1970

¹⁰ Muze Yesu kabwile ko nawa ni mbunga yinene, amwe atu waze amujingilikile, hamwe ni tumbaji kumi ni aali yaamuhula ulumbunwiso wa yishima yize.

Marku 4:10 Iomraidhean Croise

Yishima 13:20

Nyi muwenda ni akwa mana ni yena nawa muopwa ni mana; alioze mweswe malikata ni yihepuke kumakevwa kusasaminya.

Mateu 13:3

Wahanjikile kuli ayo yuma yinji ni yishima ngwenyi, Ivwenu, chikuwa watuhukile mukukuwa;

Mateu 13:36

Mba Yesu washikile ni mbunga, wanjilile mu zuwo: ni tumbaji twenyi ejile kuli iye ngwo, Tulumbunwine chishima cha mwambu wamokomoko wa mu munda.

Marku 4:11

Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima:

Marku 4:34

kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.

Marku 4:9

Iye wambile ngwenyi, Yoze uli ni matwi a kwivwa, evwe.

Marku 7:17

Muze te hanjila mu zuwo ha kukatuka ku mbunga, tumbaji twenyi amuhulile ha kutwala ku chishima.