Marku 3:9 - MUKANDA USANDU WA ZAMBI 1975

⁹ Iye wahanjikile kuli tumbaji twenyi, hanga amusele wato, amanemo, mumu ha mbunga, hanga kechi kumushinjieka.

Mukanda Wa Zambi 1970

⁹ Yesu yambila tumbaji twenyi ngwenyi: “Nguselenu wato, ngumane mo,” hanga mbunga keechi kumushinjeka.

Marku 3:9 Iomraidhean Croise

Mateu 15:39

Yesu washikile ni mbunga, wanjilile mu ulungu, mba wahetele ku manjiza ja Mandala.

Marku 4:1

Cheka nawa waputukile kulongesa ku sesa lia Chitende. Ni mbunga yinene akungulukile kuli iye, chocho wanjilile mu ulungu, watwaminemo ha Chitende: ni mbunga yeswe apwile hehi ni Chitende hashi.

Marku 4:36

Mba yahichika mbunga, yamutwala hamwe no mu ulungu, chizechene ngwe apwile, ni mato akwo nawa apwile hamwe nenyi.

Marku 5:2

Muze te hatuhuka mu ulungu, haze hene umwe lunga kali ni Spiritu ya luchisa watukanyine nenyi kanakatuka ku mafuka.

Marku 5:30

Mba haze hene Yesu, se kananyingika muli iye mwene ngwenyi, Tachi hijatuhuka muli yami, watewulukile mu mbunga, wambile ngwenyi, Iya wakwata ku hina liami?

Marku 6:32

O ayile ukawo mu ulungu ku puya.

Luka 5:1

Shimbu mbunga amushinjikile mukwivwa liji lia Zambi, wamanyine ku sesa lia Chitende cha Ngenezare;

Luka 5:3

Wanjilile mu ulungu umwe uze wapwile wa Semone, wamwichile asosoloke hakepe ku ngenge; iye watwamine nikulongesa mbunga ku ulungu.

Yoano 6:15

Kashika Yesu, nikunyingika ngwe ambile kwiza akamuchangumune, hanga akamupwise mwanangana, wakatukile cheka nawa, akaye ku mulundu, iye mwene ukawenyi.